नगर । प्रतिनिधी :-
संत रविदास महाराज यांच्या पुण्यतिथी निमित्ताने चर्मकार विकास संघाच्या अहमदनगर येथील मुख्य कार्यालयात पदाधिकारी यांच्या वतीने संत रविदास महाराज यांना अभिवादन करण्यात आले.
संत रविदास महाराज यांच्या पुण्यतिथी निमित्ताने संत रविदास महाराज यांच्या कार्याचा जागर करतांना अनेक मान्यवरांनी आपले विचार व्यक्त केले. कवि सुभाष सोनवणे यांनी प्रस्तावना करतांना संत रविदास महाराज यांचे कार्य समतेचे व शेवटच्या घटकाला न्याय देण्यारे होते असे म्हटले.
जेष्ठ सामाजिक नेते अदिनाथ बाचकर यांनी विचार मांङतांना समाजातील उच्च पदावर असणाय्रांनी गोरगरीबांना घटकाला मदत करण्यासाठी पर्यन्त करण्याचे आवाहन केले व एकजुटीने अन्याय आत्याचार विरुध्द लढण्याची गरज असल्याचे सांगितले.
अरविंद कांबळे यांनी बोलतांना सांगितले कि समाज शिक्षणातुन मोठा झाला आहे आता सामाजिक कार्यात पुढाकाराने मदत केली पाहिजे.
वधुवर केंद्र प्रमुख श्रीपती ठोसर यांनी वधुवर केंद्राच्या माध्यमातून हजारो विवाह योग्य वधुवरांंचे जुळविण्याचे काम केले, परंतु आर्थिक लुट करणाय्रा व्यवसायिकांना पायबंद घालण्यासाठी समाजाने जागरुख राहावे.
वधुवर समितीचे अध्यक्ष इंजि तुकाराम गायकवाड यांनी २ जानेवारी २२ रोजी अहमदनगर येथे निशुल्क वधुवर मेळाव्यात मोठ्या संखेने राज्यातुन वधुवरांंनी सहभागी होण्याचे आवाहन केले.
महिला अध्यक्षा सौ.रुखमनी नन्नवरे यांनी महिलांनी सामाजिक कार्यात सहभागी होण्याचे आवाहन केले.
प्रदेश सचिव सुभाष चिंधे यांनी संघटनेच्या कार्याचा आढावा मांङतांना युवकांनी संघटनेत सहभागी व्हावे समाजाच्या विकास न्यायहक्काच्या करीता कार्य करावे. युवानेते मनिष कांबळे यांनी उपस्थित पदाधिकारी यांचे आभार मानले.
घनदाट मामा प्रतिष्ठानचे सह सचिव राजेंद्र धस सर,या प्रसंगी नगर स्वतंत्र चे कार्यकारी संपादक सुभाष मुदळ, युवा जिल्हा सचिव अमोल ङोळस, गटई आघाडीचे संतोष कदम, गोपीनाथ म्हस्के,संदीप सोनवणे,दिलीप कांबळे अदी पदधिकारी सहभागी होते.
