*इंदापूर महाविद्यालयात वृक्षारोपण तसेच विविध उपक्रम राबवून राजवर्धन पाटील यांचा वाढदिवस साजरा*
इंदापूर प्रतिनिधी:इंदापूर तालुका शिक्षण प्रसारक मंडळाच्या येथील कला, विज्ञान आणि वाणिज्य महाविद्यालयामध्ये निरा-भिमा सहकारी साखर कारखान्याचे संचालक राजवर्धन हर्षवर्धन पाटील यांच्या वाढदिवसाचे औचित्य साधून महाविद्यालयामध्ये विविध कार्यक्रमांचे आयोजन करण्यात आले.
वाढदिवस हे औचित्य असून सामाजिक बांधिलकी लक्षात घेता पर्यावरणीय जनजागृतीसाठी वृक्ष लागवडीचा संकल्प करून महाविद्यालयामध्ये विविध प्रकारच्या 35 रोपांचे वृक्षारोपण करण्यात आले. तसेच महाविद्यालयातील सर्व कर्मचाऱ्यांसाठी व्हॉलीबॉल क्लबची स्थापना करून क्लबच्या माध्यमातून संध्याकाळच्या मोकळ्या वेळेमध्ये कर्मचाऱ्यांनी व्हॉलीबॉल खेळाचा आनंद घेऊन ताण-तणाव कमी करण्याच्या हेतूने क्लबची स्थापना करण्यात आली. महाविद्यालयातील एकूण १०३ शिक्षक व शिक्षकेतर कर्मचाऱ्यांची आरोग्य तपासणी करण्यात आली असून त्यांना आरोग्याच्या संदर्भाने उपजिल्हा रुग्णालयातील डॉ. तांबे, डॉ. शहाणे, डॉ. मोटेगावकर आणि कोकरे यांनी मार्गदर्शन केले व आरोग्यासंबंधीचे महत्व पटवून दिले.
त्याचप्रमाणे कनिष्ठ महाविद्यालयातील विद्यार्थ्यांसाठी वाढदिवसानिमित्त ५३४ विध्यार्थ्यांना फळांचे वाटप करण्यात आले. अशा विविध कार्यक्रमांचे आयोजन करून वाढदिवस साजरा करण्यात आला.
राजवर्धन पाटील यांचे कार्य तसेच सामाजिक बांधीलकीतून ते राबवित असलेल्या विविध उपक्रमांची माहिती डॉ. संजय चाकणे यांनी दिली.
सदर कार्यक्रमाप्रसंगी उपप्राचार्य नागनाथ ढवळे, शारिरीक शिक्षण संचालक डॉ. भरत भुजबळ, विज्ञान विभागप्रमुख डॉ. शिवाजी वीर, वाणिज्य विभागप्रमुख डॉ. सदाशिव उंबरदंड, कला विभागप्रमुख डॉ. भिमाजी भोर तसेच महाविद्यालयातील शिक्षक, शिक्षकेतर कर्मचारी आणि विद्यार्थी उपस्थित होते.
