कौठळी शाळेत आज शाळापूर्व तयारी मेळावा 2, नवागतांचे स्वागत,मोफत पाठ्यपुस्तके वाटप उत्साहात.
इंदापूर प्रतिनिधी:आज दिनांक १५ जून २०२२ रोजी जि प प्राथमिक शाळा कौठळी येथे शाळेचा पहिला दिवस उत्साहात पार पडला.प्रथम सर्व मुलांची प्रभातफेरी काढण्यात आली.नंतर मुख्याध्यापक नंदकुमार सूर्यवंशी सरांनी प्रास्ताविक केले.शाळापूर्व तयारी मेळाव्यात वजन,उंची,शारीरिक विकास,भाषिक विकास,तर्कसंगती,गणनपूर्व क्रिया याची प्रात्यक्षिके घेऊन पालकांचे समुपदेशन केले.नंतर इयत्ता १ली दाखल झालेल्या मुलांचे स्वागत अंकलिपी,गुलाबपुष्प, फुगे,चॉकलेट देऊन करण्यात आले.नंतर शाळेतील सर्व विद्यार्थ्यांना मोफत पाठ्यपुस्तके वाटप करण्यात आली.शालेय पोषण आहार अंतर्गत सर्व मुलांना पहिल्या दिवशी गोड पदार्थ म्हणून शिरा देण्यात आला.उपस्थित सर्वांचे स्वागत आरती गायकवाड यांनी केले.
