बुधवार दिनांक १० ऑगस्ट २०२२
दिल्लीचे ऋषभ लोहिया यांचेकडून शिर्डीच्या द्वारकाधीशला सोन्याची बासरी अर्पण..!!
साईबाबांनी शिर्डीतील मशिदीत राहून सर्वधर्म समभावाची शिकवण देत मशिदीला द्वाराकामाई म्हटले. त्यामुळे, अनेक भक्त साईबाबांना श्रीकृष्णाच्या रुपातही बघतात. याच शिर्डीतील द्वारकाधीशाला दिल्लीचे ऋषभ लोहिया यांनी 100 ग्राम वजन असलेली सोन्याची बासरी अर्पण केली आहे.
शिर्डी : शिर्डीच्या साईचरणी भक्त आपल्या कुवतीप्रमाणे आणि श्रद्धेनुसार मुल्यवान दान करत असतात. साईबाबांनी शिर्डीतील मशिदीत राहून सर्वधर्म समभावाची शिकवण देत मशिदीला द्वाराकामाई म्हटले. त्यामुळे, अनेक भक्त साईबाबांना श्रीकृष्णाच्या रुपातही बघतात. याच शिर्डीतील द्वारकाधीशाला दिल्लीचे ऋषभ लोहिया यांनी सुमारे 4 लाख 85 हजार 757 किंमत असलेली 100 ग्राम वजन असलेली सोन्याची बासरी अर्पण केली आहे.
सुवर्ण मुकुट अर्पण - गेल्या दोन वर्षांत कोविडमुळे शिर्डीत भाविकांना येता आले नाही. तसेच साई चरणी येणाऱ्या दानाचा ओघही थांबला होता. मात्र, आता कोविडचे संकट दूर होवून निर्बंध उठल्याने शिर्डीला भाविकांची रिघ लागलेली दिसते. साई चरणी भाविकही आता सोने, चांदी, रोख रक्कम आणि वस्तू स्वरुपात भरभरून दान करू लागले आहेत. गेल्याच महिन्यात आपल्या पत्नीची अंतीम इच्छा म्हणून साई चरणी हैद्राबाद येथील भाविकाने 33 लाखांचा सुवर्ण मुकुट अर्पण केला होता.साई श्री कृष्णाच्या रुपात दिसतात म्हणून बासुरी - साईबाबांना भक्त विविध रुपात बघतात.
शिर्डी हे द्वारके समान आणि साईबाबा हे कृष्णाचा अवतार समजून अनेक भक्त शिर्डीला साई दर्शनासाठी गर्दी करत असतात. दिल्लीचे रहिवासी असलेले साईभक्त ऋषभ लोहिया यांनी मंगळवारी आपल्या कुटुबीयांसमवेत शिर्डीला येवून 100 ग्राम वजन असलेली सोन्याची बासरी दान म्हणून दिली आहे. शिर्डीत द्वारकामाईत साईबाबांनी आपले जीवन व्यतीत केल. साई आम्हाला श्रीकृष्णाच्या रुपात दिसतात. त्यामुळे, श्री कृष्णाची आवडती बासरी आम्ही साईंना अर्पण केल्याचे ऋषभ लोहिया यांनी सांगितले.
जवळपास पाच लाख किंमत -
पाच लाख किंमत असलेल्या या बासरीवर सुंदर असे नक्षी काम करण्यात आले असून एका टोकाला सोन्याचे दोन दोर (साखळी) ही लावण्यात आले आहेत. ऋषभ लोहिया यांनी श्रीकृष्ण जन्माष्टमीच्या काही दिवस आधीच ही बहुमल्य भेट साई चरणी अर्पण केली आहे. दरवर्षी गोकुळ अष्टमीला साई मंदिरात चांदीच्या पाळण्यात श्रीकृष्णाची चांदीची मूर्ती ठेवत जन्मोत्सव साजरा केला जातो. या उत्सवात ही सोन्याची बासरी आकर्षण ठरणार आहे.
Shirdi Express Live🎥#करीता बातम्या📰🗞️ आणि जाहिराती 🖼️साठी संपर्क @दिपक हरिश्चंद्रे (अहमदनगर जिल्हा प्रतिनिधी )📲7350591600
