अंगणवाडी सेविकांच्या विविध मागण्या शासन दरबारी मांडू- आ. दत्तात्रय भरणे
महाराष्ट्र राज्य अंगणवाडी कर्मचारी कृती समितीच्या विविध मागण्यासाठी नागपूर येथे आमदार दत्तात्रय भरणे यांनी मोर्चाला दिला पाठिंबा.
इंदापूर प्रतिनिधी: नागपूर येथे महाराष्ट्र राज्य अंगणवाडी कर्मचारी कृती समितीच्या विविध मागण्यांसाठी राज्यभरातील अंगणवाडी सेविकांनी दिनांक २७ डिसेंबर २०२२ रोजी मोर्चा चे आयोजन केले होते. त्या मोर्चास माजी राज्यमंत्री आणि इंदापूर तालुक्याचे आमदार दत्तात्रय भरणे यांनी भेट देऊन अंगणवाडी सेविकांच्या विविध मागण्यांना पाठिंबा दिला. तसेच अंगणवाडी सेविकांच्या ज्या काही मागण्या आहेत, त्या शासनदरबारी मांडून सोडविण्यासाठी प्रयत्न करणार असल्याचा विश्वास यावेळी त्यांनी दिला.
या मोर्चास आ. नितीन पवार, आ. इंद्रनील नाईक यांच्यासह मोठ्या संख्येने अंगणवाडी सेविका भगिनी उपस्थित होत्या.
