नवी दिल्लीत केंद्रीय अर्थमंत्री निर्मला सीतारमन यांचेशी हर्षवर्धन पाटील यांची चर्चा.
- बारामती लोकसभा मतदार संघाचा भेटीत आढावा
इंदापूर प्रतिनिधी :
नवी दिल्लीत केंद्रीय अर्थमंत्री निर्मला सीतारमन यांची भाजपचे नेते व माजी मंत्री हर्षवर्धन पाटील यांनी सोमवारी (दि.२३) भेट घेतली. या भेटीत बारामती लोकसभा मतदारसंघातील विविध विषयांवर चर्चा झाल्याचे त्यांनी फेसबुक पोस्टद्वारे कळविले आहे.
निर्मला सीतारमन बारामती लोकसभा मतदारसंघाच्या सप्टेंबर महिन्यात दौऱ्यावरती आलेल्या होत्या, सदर दौऱ्याचा आढावा या भेटीत घेण्यात आल्याचे. तसेच निर्मला सीतारमन यांच्या आगामी बारामती दौऱ्यांविषयी या भेटीत चर्चा झाल्याची. त्याचबरोबर बारामती लोकसभा मतदारसंघातील विकास कामे, अडी-अडचणी या संदर्भातही निर्मला सीतारमन यांचेशी हर्षवर्धन पाटील यांची भेटीत सविस्तरपणे चर्चा झाली असल्याचे नमूद केले आहे.भाजपच्या केंद्रीय नेतृत्वाने देशातील जिंकता येणाऱ्या १४४ लोकसभा मतदारसंघांमध्ये बारामतीचा समावेश केलेला आहे, या मतदारसंघाची जबाबदारी केंद्रीय अर्थमंत्री निर्मला सीतारमन यांच्याकडे आहे. त्यामुळे केंद्रीय अर्थमंत्री निर्मला सीतारामन व भाजपनेते हर्षवर्धन पाटील यांच्या भेटीत या विषयावर चर्चा झालेली दिसते आहे.
____________________________
फोटो:-नवी दिल्ली येथे केंद्रीय अर्थमंत्री निर्मला सीतारमन यांची भाजपचे नेते व माजी मंत्री हर्षवर्धन पाटील यांनी भेट घेतली.
