एन .ई.एस. हायस्कूल व कनिष्ठ महाविद्यालय निमसाखर येथे योग दिन उत्साहात साजरा .

एन .ई.एस. हायस्कूल व कनिष्ठ महाविद्यालय निमसाखर येथे योग दिन उत्साहात साजरा .

इंदापूर प्रतिनिधी: एन .ई.एस. हायस्कूल व कनिष्ठ महाविद्यालय निमसाखर येथे योग दिन उत्साहात साजरा करण्यात आला. 21 जून हा दिवस आंतरराष्ट्रीय योग दिन म्हणून संपूर्ण देशभर साजरा केला जातो. या दिवसाचे महत्व जाणून एन.ई. एस. हायस्कूल व कनिष्ठ महाविद्यालयातील  सर्व शिक्षक बंधू भगिनी व शिक्षकेतर कर्मचारी यांनी विद्यार्थ्यांच्या समवेत योगाचे विविध प्रकार, योगासने व प्राणायामे केली त्यावेळी संस्थेचे सन्माननीय उपाध्यक्ष संजय सूर्यकांत रणवरे उर्फ पप्पू पाटील यांनी देखील सर्वांच्या समवेत विद्यालयाच्या प्रांगणात सकाळी ठीक सहा वाजता उपस्थित राहून योगासने व प्राणायामे केली. योगशिक्षक म्हणून हणमंते सर, चव्हाण सर, मुलानी सर व अनुराधा रणवरे मॅडम यांनी सर्वांना उत्तम प्रकारचे मार्गदर्शन केले. निरोगी शरीर हीच खरी संपत्ती आहे प्रत्येकाने दररोज व्यायाम प्रकार योगासने प्राणायामे केली पाहिजेत. तरच आपण शारीरिक व मानसिक दृष्ट्या सक्षम राहू शकतो असे मत प्राचार्य चंद्रकांत गोपाळ रणवरे यांनी व्यक्त केले. कार्यक्रमाचे नियोजन क्रीडा विभागाने केले.