प्रकाश मुंडे / बीड जिल्हा प्रतिनिधी :-
बीड जि.प.च्या माजी उपाध्यक्षा सौ.अर्चनाताई रमेशरावजी आडसकर यांनी आपल्या कार्यकाळात ग्रामीण विकासासाठी खूप चांगले काम केले आहे. महिला सक्षमीकरणाचा ध्यास घेतलेले नेतुत्व म्हणून सौ.अर्चनाताई रमेशरावजी आडसकर ह्या बीड जिल्ह्यात ओळखल्या जातात.
विकासाची दृष्टी, दांडगा जनसंपर्क आणि गोरगरिबांच्या उत्कर्षासाठी तळमळ घेऊन त्या सध्या श्री . छत्रपती शिक्षण संस्था आडसच्या माध्यमातून गोरगरीब, ऊसतोड कामगार यांच्या पाल्यांना दर्जेदार शिक्षण मिळावे यासाठी त्या करीत असलेली धडपड कौतुकास्पद आहे. सध्या त्यांच्या मार्गदर्शनाखाली शारदा इंग्लिश स्कूल केज ( सी.बी.एस.सी ) इंग्लिश माध्यमिक शाळा, वसंत पॉलिटेक्निक कॉलेज केज, फार्मसी कॉलेज, केज सुरू आहेत.
अर्चनाताई या लोकनेते कै.बाबुरावजी आडसकर साहेब यांच्या स्नुषा आहेत. २०१२ साली त्या बनसरोळा जि.प.गटातून निवडून आल्या. २०१२ ते २०१४ या काळात त्यांनी बीड जि.प.चे उपाध्यक्ष पद भूषविताना प्रभावी कार्य केले. बीड जिल्ह्यातील प्रत्येक तालुक्यातील गावांना अंगणवाडी मिळावी यासाठी, सर्व गावांना दलित वस्ती सुधार योजना, २५१५ अंतर्गत मदत मिळवून दिली.
माजलगाव मतदारसंघाचे नेते रमेश आडसकर यांना राजकारण व समाजकारण करताना त्यांचा फार मोठा हातभार लाभतो आहे.
बीड जिल्हा परिषदेच्या माजी उपाध्यक्षा सौ.अर्चनाताई रमेशरावजी आडसकर यांना माजलगाव व केज मतदारसंघातून वाढदिवसाच्या शुभेच्छांचा वर्षाव झाला आहे.
