राजकारणाचे जोडे बाजूला ठेऊन वीरश्री मालोजीराजे गढी व हजरत चाँदशहवली बाबा दर्गाह यांचा सर्वसमावेशक असा विकास आराखडा करावा - आमदार दत्तात्रय भरणे.
इंदापूर प्रतिनिधी: राजकारणाचे जोडे बाजूला ठेऊन इंदापूर शहरातील ऐतिहासिक वीरश्री मालोजीराजे गढी व हजरत चाँदशहवली बाबा दर्गाह यांचा सर्वसमावेशक असा विकास आराखडा करावा जेणे करून भविष्यात हा इतिहास नवीन पिढीसाठी मार्गदर्शक ठरेल अशी सूचना राज्याचे माजी मंत्री आमदार दत्तात्रय भरणे यांनी केले.
इंदापूर शहरातील ऐतिहासिक वीरश्री मालोजीराजे गढी व हजरत चाँदशहवली बाबा दर्गाह यांचा जिल्हा नियोजन समिती पुणे यांच्या माध्यमातून करण्यात येणाऱ्या संवर्धनसाठी विकास आराखडा तयार करणेबाबत राज्याचे माजी राज्यमंत्री आ.दत्तात्रय भरणे यांच्या अध्यक्षतेखाली स्थळ पाहणी व विशेष बैठक संपन्न झाली.
यावेळी तहसीलदार श्रीकांत पाटील, मुख्याधिकारी रामराजे कापरे, सार्वजनिक बांधकाम विभागाचे उपअभियंता दीपक भोसले, पोलीस निरीक्षक दिलीप पवार, प्रकल्प सल्लागार स्मिता तावरे, भूमी अभिलेखचे उपअधीक्षक रवींद्र पिसे, माजी उपनगराध्यक्ष अरविंद वाघ, प्रा.कृष्णा ताटे, भारत जामदार, वसंतराव मालुंजकर, श्रीधर बाब्रस, गफुर सय्यद, सतीश जाधव, महादेव सोमवंशी, रवींद्र जामदार, गणेश रणदिवे, ॲड.आशुतोष भोसले, आझाद पठाण, अनिल चव्हाण, बाळासाहेब ढवळे, अमर गाडे, अशोक मखरे, बाळासाहेब व्यवहारे, राजेश शिंदे,राहुल गुंडेकर, अहमदरजा सय्यद, हमीद आतार, महादेव चव्हाण यांचेसह मोठ्या संख्येने शिवप्रेमी उपस्थित होते.
