प्रमोद भोसले व प्रकाश थोरात यांची जिल्हा बँकेच्या कर्ज प्रमाण धोरण कमिटीवर निवड- ससाणे

श्रीरामपूर, प्रतिनिधी:-

श्रीरामपूर तालुक्यातील प्रमोद भोसले (रा. वळदगाव) व प्रकाश थोरात (रा. उक्कलगाव) यांची अहमदनगर जिल्हा बँकेच्या कर्ज प्रमाण धोरण कमिटीवर तज्ञ सल्लागार पदी निवड झाली. 

श्री भोसले व श्री थोरात यांच्या निवडीने शेतकऱ्यांच्या पीक कर्जाबाबतच्या अडी-अडचणी सोडवण्यासाठी निश्चितच मदत होणार असल्याचे जिल्हा बँकेचे संचालक, माजी उपनगराध्यक्ष करण ससाणे यांनी म्हटले आहे. श्री.भोसले व थोरात यांच्या सत्कार समारंभ प्रसंगी ससाणे बोलत होते. 

यानंतर जिल्हा बँकेच्या कर्ज प्रमाण धोरण कमिटीचे नवनिर्वाचित तज्ञ सल्लागार प्रमोद भोसले म्हणाले की, ज्याप्रमाणे शेळीपालन, मत्स्य पालन, कुकुटपालन या जोडधंद्याप्रमाणे कृषी पर्यटन या व्यवसायांसाठी दहा लाखापर्यंत जिल्हा बँकेने मदत करावी जेणेकरून शेतकऱ्यांच्या उत्पन्नात वाढ होईल. 

यानंतर प्रकाश थोरात म्हणाले की, ऊस सोयाबीन व इतर अल्प मुदत पीक कर्जात जिल्हा बँकेने वाढ करावी. 

याप्रसंगी जि.प.चे माजी सभापती बाबासाहेब दिघे, श्रीरामपूर कृषी उत्पन्न बाजार समितीचे सभापती सुधीर नवले, महाराष्ट्र प्रदेश काँग्रेस कमिटीचे सरचिटणीस हेमंत ओगले, कृषी उत्पन्न बाजार समितीचे संचालक राजेंद्र पाऊलबुद्धे, खंडेराव सदाफळ, विलास दाभाडे, राजू चक्रनारायण, कैलास कणसे, बाळासाहेब थोरात, भारत बढे, अरुण खंडागळे, निलेश नागले, अमोल शेटे,अशोक जगधने, सनी मंडलिक, मोहन रणवरे, आबासाहेब माळी, सुनील साबळे, गणेश काते, संजय गोसावी आदी मान्यवर उपस्थित होते.

*पत्रकार राजु मिर्जा

(ब्यूरो चिफ: नाशिक विभाग)

स्वाभिमानी संपादक सेवा संघ

*संकलन

समता न्यूज नेटवर्क,श्रीरामपूर - *9561174111