लोकसभा निवडणूकीत संपूर्ण जागा जिंकण्याचे उद्दिष्ट ; त्या विजयाचा शंकनाद शिर्डीत फुंकला - लक्ष्मण साहुजी
राजेंद्र बनकर / शिर्डी
भारतीय जनता पार्टी उद्योग आघाडीची प्रदेश व जिल्हा कार्यकारिणीची बैठक शिर्डी येथील हॉटेल साई गोल्ड इन याठिकाणी भाजपाचे प्रवक्ते लक्ष्मण साहुजी यांच्या अध्यक्षतेखाली तसेच भाजपाच्या प्रमुख पदाधिऱ्यांच्या उपस्थितीत पार पडली. या बैठकीत भाजप उद्योग आघाडीचे प्रदेशाध्यक्ष प्रमोद वाकडकर , कामगार मोर्चा प्रदेशाध्यक्ष विजय हरगुडे , सरचिटणीस नितीन प्रभु देसाई , इंद्रजित राव , अमोल सतस , गिरीधर मंञी यांच्या प्रमुख उपस्थिती होती.
यावेळी पक्षीय आढावा बैठक घेऊन नुतन कार्यकारिणी पदाधिकाऱ्यांना नियुक्तीपञ देण्यात आले तथा त्यांचा सत्कारही करण्यात आला.
भाजप उद्योग आघाडीचे उत्तर महाराष्ट्र अध्यक्ष भिमराज भालेराव , उत्कर्ष रवदंले यांच्या वतीने आयोजित केलेल्या शिर्डीतील बैठकीस प्रदेश व जिल्ह्याभरातील कार्येकर्ते मोठ्या संख्येने उपस्थित होते.
याप्रसंगी भाजप प्रवक्ते लक्ष्मण साहुजी यांनी सांगितले की अगदी कमी कालावधीत भाजपने विश्वकर्मा योजने अंतर्गत उत्कृष्ट कार्य केले असुन भाजप उद्योग आघाडीत मोठ्या प्रमाणात कार्येकर्ते सहभागी होत आहेत.
यात सामान्य व्यक्तींपासुन ते उद्योजक हे पक्षाच्या ध्येय धोरणावर काम करत असुन भविष्यात उद्योग व्यवसायात आपण महत्त्वाच्या योजना राबवत असल्याचे त्यांनी सांगितले. तर शिर्डी सारख्या तिर्थक्षेञात हा कार्यक्रम घेऊन श्री साईबाबांचे आशीर्वाद घेऊन आगामी निवडणूका डोळ्यासमोर ठेवून भाजप उद्योग आघाडी ही जोमाने कामाला लागेल तसेच उद्योग आणि राजकारण याचा मेळ आगामी काळात दिसून येईल सोबतच शिर्डीतुन आता भाजप संपूर्ण निवडणूकीत विजय मिळवेल यासाठी भाजपच्या सर्व आघाड्या कामाला लागल्या असुन प्रदेशाध्यक्ष प्रमोद वाकडकर यांच्या मार्गदर्शनाखाली भाजप उद्योग आघाडीची बैठक घेऊन आगामी लोकसभा निवडणूकेला सामोरे जाताना महाराष्ट्रातील संपूर्ण जागा लढवण्याच उद्दिष्ट ठरविले असुन त्याचा शंकनाद शिर्डीतुन फुंकला असल्याचे त्यांनी यावेळी स्पष्ट केले.
*सहयोगी* स्वाभिमानी संपादक सेवा संघ
*संकलन*
समता न्यूज नेटवर्क,श्रीरामपूर - 9561174111
