ते पुढे म्हणाले की, भारत देश कृषी, औद्योगिक, वैज्ञानिक व शैक्षणिक इत्यादी सर्वच क्षेत्रामध्ये चौफेर प्रगती करीत आहे. आणि यामध्ये तरुणांच्या सक्रीय सहभागाचा व प्रगल्भ ज्ञानाचा मोलाचा वाटा आहे. याच जोरावर भारत देशाची मान जगात उंचावल्याशिवाय राहणार नाही.
आपल्या कर्मयोगी शंकररावजी पाटील सहकारी साखर कारखान्याचेही कामकाज राज्याचे नेते व कर्मयोगी परिवाराचे आधारस्तंभ, राष्ट्रीय सहकारी साखर महासंघाचे अध्यक्ष हर्षवर्धन पाटील यांचे मार्गदर्शनाखाली तसेच सर्व संचालक मंडळ यांचे सहकार्याने उत्तम चालले असून त्यामध्ये सभासद बंधु, तुम्ही सर्व कारखाना कर्मचारी, अधिकारी , ऊस तोडणी व वाहतूकदार या सर्वांचाच मोलाचा वाटा आहे असे गौरवोद्गार काढून त्यांनी उपस्थितांना व सर्व देशवासियांना स्वातंत्र्य दिनाच्या शुभेच्छा दिल्या.
यावेळी, कारखान्याचे संचालक छगनराव भोंगळे, अंबादास शिंगाडे,. मच्छिंद्र अभंग व इतर सर्व संचालक, कार्यकारी संचालक . देवराव लोकरे, सर्व अधिकारी व कर्मचारी मोठया संख्येने उपस्थित होते.
