एरंडोल :- नेताजी सुभाष चंद्र बोस यांच्या जयंतीनिमित्त एरंडोल शहरातील छत्रपती शिवाजी महाराज व्यापारी संकुल येथे आयोजित कार्यक्रम मोठ्या उत्साहात पार पडला. प्रवीण मेन्स पार्लरजवळील या कार्यक्रमाचे आयोजन उत्साही वातावरणात करण्यात आले होते.
कार्यक्रमाच्या सुरुवातीस नेताजींच्या प्रतिमेचे पूजन पन्नालाल जयस्वाल यांनी केले, तर पुष्पहार अर्पण करण्याचे कार्य कृष्णा महाजन यांनी केले. श्रीफळ अर्पण निळकंठ अहिरे यांनी केले. या प्रसंगी प्रमुख पाहुण्यांसह व्यापाऱ्यांची मोठी उपस्थिती होती.
कार्यक्रमास अशोक चौधरी, अशोक गांगुर्डे, भास्कर जोगी, पन्नालाल जयस्वाल, साजिद शेख, रमेश मोरे, प्रकाश महाले, प्रकाश साडी, अनिल भोई, प्रवीण अहिरे, उमेश महाजन, राजेंद्र चौधरी, दिनेश परदेशी, निलेश जगताप, जगदीश गांगुर्डे, हर्षल वारुळे, गोपाल महाजन, संदीप आरखे, सुधीर पेंढारकर, संजय पाटील, विश्वनाथ कासार, नितीन जयस्वाल, दीपक सोनार, तुषार शिंपी, शुभम शिंपी, सागर विसावे, दीपक गुजराती, आणि व्यापारी संकुलातील इतर अनेक व्यापारी मोठ्या संख्येने सहभागी झाले होते.
कार्यक्रमामध्ये नेताजी सुभाष चंद्र बोस यांच्या देशभक्तीचा वारसा, त्यांचे बलिदान, आणि भारताच्या स्वातंत्र्यलढ्यातील योगदान यावर विशेष चर्चा करण्यात आली. उपस्थित सर्वांनी नेताजींच्या विचारांवर श्रद्धा व्यक्त केली आणि त्यांच्या कार्याला अभिवादन केले.
कार्यक्रमाचे यशस्वी आयोजन करणाऱ्या सर्व समिती सदस्यांचे उपस्थितांनी आभार मानले.
