सेनगांव/विश्वनाथ देशमुख :
हिंगोली जिल्ह्यातील सेनगाव तालुक्यात खैरी घुमट येथील शेकडो वर्षाची परंपरा असलेल्या ऐतिहासिक कनिफनाथ गडावरील यात्रेला सुरुवात झाली आहे.मराठवाड्यासह विदर्भातील भाविक मोठ्या प्रमाणात दर्शनासाठी येतात.सेनगाव तालुक्यातील खैरी घुमट येथील कनिफनाथ गडावर दि.९ मार्च रविवार रोजी शिखरी काठ्याचा नेत्रदीपक रिंगण सोहळा मोठ्या उत्साहात पार पडला.
नांदेड जिल्ह्यातील डोरली येथील मानाच्या कावडीचे आगमन झाल्यानंतर या यात्रेला सुरुवात होते व तसेच खडकी येथील अबदागिरी व बोरखेडी पिनगाळे व हत्ता नाईक येथील देवाचे बाण यांच्या भेटी होतात.शेकडो वर्षापासुन ही परंपरा अखंडपणे सुरू आहे ही यात्रा पाच दिवस भरते. दि.९ मार्च रविवार रोजी शिखरी काठ्यांची मिरवणूक पार पडली दुपारी चार कानिफनाथ महाराजांच्या पालखीची मिरवणूक काढण्यात आली त्या पालखीच्या पाठीमागे वेगवेगळ्या गावातील मानाच्या शिखरी काठ्या व भगवे ध्वज हातात घेऊन भाविकांनी मंदिराला प्रदक्षिणा घातल्यानंतर मंदिरात शिखरी काठ्या हातावर घेऊन नृत्य देखील केले जाते हा नेत्रदीपक रिंगण सोहळा पाहण्यासाठी विदर्भातील व मराठवाड्यातील हजारो भाविक यात्रेच्या निमित्ताने खैरी घुमट येथे येतात.खैरी घुमट येथील मंदिर हे अत्यंत प्राचीन असून हे मंदिर किल्लासदृश वास्तू भव्य असल्याने भाविकांत मोठे आकर्षण आहे या किल्ल्यात हेमाडपंती पध्दतीचे कानिफनाथचे मंदिर आहे येलदरी धरणाच्या जलाशयाच्या काठावर हे मंदिर असल्याने त्यांच्या वैभवात अधिकच भर पडली आहे.
शेकडो वर्षीची परंपरा आज ही कायम
खैरी घुमट येथील मंदिर हे प्राचीन मंदिर असून या ठिकाणी भाविक नवस फेडण्यासाठी आप आपल्या शिखरीकाठ्या घेऊन येतात व नवस पूर्ण करतात हे मंदिर किल्लासदृश वास्तू असल्याने भाविकांमध्ये आकर्षण आहे.या किल्ल्यात हेमाडपंती पध्दतीचे कानिफनाथचे मंदिर आहे. येलदरी धरणाच्या जलाशयाच्या काठावर हे मंदिर असल्याने त्याच्या वैभवात अधिकच भर पडली आहे.यात्रेच्या निमित्ताने मंदिर समिती कडून दोन दिवस शंकर पटाचे आयोजन देखील करण्यात आले आहे.त्याचबरोबर सेनगाव पोलिस स्टेशनच्या वतीने चोख बंदोबस्त ही ठेवण्यात आला होता.
.jpg)
