एल.जी बनसुडे विद्यालयात सुरक्षा कवच हेल्मेट वाटप.
इंदापूर : पळसदेव (ता- इंदापूर) येथील गीता शिक्षण प्रसारक मंडळ संचलित एल.जी. बनसुडे विद्यालयामध्ये राष्ट्रीय सुरक्षा दिनाच्या महासप्तहाचे औचित्य साधून पालक व विद्यार्थी सुरक्षेसाठी संस्थेच्या व सेवा सहयोग फाउंडेशन च्या वतीने 200 हेल्मेट वाटप करण्यात आले. सामान्य लोकांमध्ये विशेषता नवीन वयोगटातील विद्यार्थी व पालकांमध्ये सुरक्षितता जागृत करण्यासाठी सामाजिक जागृती झाली पाहिजे या उद्देशाने हा उपक्रम सेवा सहयोग फाउंडेशन पुणे व ब्राईट लाईफ सामाजिक संस्था पळसदेव यांच्या संयुक्त विद्यमाने राबविण्यात आला आहे .
*राईट टू सेफ्टी प्रकल्प* - *२०२५' या* प्रकल्पांतर्गत विद्यार्थी व पालकांनी वाहन चालवताना सुरक्षा नियमांचे पालन करत हेल्मेट वापरले तर आपल्या आयुष्य खूप चांगले व सुरक्षित राहू शकते असे मार्गदर्शन वरिष्ठ प्रकल्प समन्वयक रोहित झगडे यांनी केले. डाळज आरटीओ पोलीस बी . आर.शिंदे साहेब यांनी आपल्या मनोगतातून वाहतुकी च्या नियमांचे व कायद्याचे पालन करणे का गरजेचे आहे हे स्पष्ट केले.
