नगरपालिका सफाई कर्मचारी समस्या सोडवण्यासाठी प्रयत्नशील - भाजपा जिल्हाध्यक्ष नितीन दिनकर
श्रीरामपूर / प्रतिनिधी:
श्रीरामपूर नगरपालिका आरोग्य विभागातील आस्थापनेवरील कायम रिक्त पदावरील सफाई कामगारांच्या वारसांना लाड -पागे समितीच्या शिफारशीनुसार सेवेत कायम करावे या मागणीसाठी अहिल्यानगर जिल्हा नगरपालिका कामगार कर्मचारी यांच्या वतीने कॉ. जीवन सुरुडे यांच्या नेतृत्वाखाली श्रीरामपूर नगरपालिके समोर बेमुदत धरणे आंदोलन सुरू करण्यात आले होते.
लाड - पागे समितीच्या शिफारशीनुसार कामगारांच्या वारसांना सेवेत घेण्याची पद्धत गेली अनेक वर्ष सुरू असून शासनाच्या सामाजिक न्याय व विशेष सहाय्य विभागाने लाड -पागे समितीच्या शिफारसीच्या अनुषंगाने सफाई कामगारांचे वारसा हक्काच्या अंमलबजावणी बाबत २४ फेब्रुवारी २०२३ शासन निर्णय निर्गमित केला आहे तरी शासन निर्णयाच्या अनुषंगाने उच्च न्यायालय खंडपीठ छत्रपती संभाजी नगर यांनीही ८ जानेवारी २०२५ रोजी या शासन निर्णयाची तातडीने काटेकोर अंमलबजावणी करावी असे निर्देश दिलेले आहे, तरीही श्रीरामपूर नगरपालिका प्रशासनाकडून सदर कर्मचाऱ्यांना सेवेत घेण्यासाठी टाळाटाळ करण्यात येत असल्याने तसेच मा.न्यायालयाच्या आदेशाचे पालन होत नसल्याने धरणे आंदोलन सुरू करण्यात आले होते.
या बेमुदत धरणे आंदोलनासाठी भाजपा जिल्हाध्यक्ष नितीन भाऊ दिनकर यांनी आंदोलनकर्ते यांची भेट घेऊन आपल्या कामगारांच्या प्रश्नाबाबत प्रयत्नशील असून पालकमंत्री ना. राधाकृष्ण विखे पाटील यांच्याशी चर्चा विनिमय करून येणाऱ्या दोन ते तीन महिन्यात निर्णय घेऊ असे आश्वासन दिले. तसेच कामगारांच्या विविध प्रश्नांसाठी भाजपाचे मारुती बिंगले आपल्यासाठी सदैव प्रयत्नशील होते व आहेत त्यांच्याच पाठपुराव्यामुळे आपल्याला यश मिळालेले आहे तसेच तुम्ही केलेल्या प्रयत्नांचे सार्थक झाले असल्याचे चित्र आज न्यायालयाच्या माध्यमातुन दिसत आहे अशी माहिती भाजपा जिल्हाध्यक्ष नितीन भाऊ दिनकर यांनी दिली. यावेळी नगरपालिका मुख्याधिकारी गणेश घोलप यांच्या मध्यस्थीने सदर आंदोलन मागे घेण्यात आले.
सफाई कामगार यांचे प्रश्न सोडवण्यासाठी आपण प्रयत्नशील असल्याचे प्रतिपादन नितीन दिनकर यांनी केले.
प्रसंगी शहराध्यक्ष मारुती बिंगले, बंडूकुमार शिंदे, माजी नगरसेवक रविंद्र गुलाटी, राजेश अलग, हंसराज बत्रा, सतीश सौदागर, अक्षय गाडेकर, किराण कर्नावट, आनंद बुधेकर, महेश सुळ, रुपेश हरकल, भैय्या भिसे, राहुल पांढरे, पूजाताई चव्हाण, पुष्पाताई हरदास, मिलिंद कुमार साळवे, गणेश करडे, विजय आखाडे आणि भाजपा पदाधिकारी यावेळी उपस्थित होते.
नगरपालिका सफाई कामगार आंदोलन कर्ते यांच्यामध्ये आनंदाचे वातावरण निर्माण झाले असून बंडू कुमार शिंदे यांनी कामगारांचे प्रश्न सोडवण्यासाठी सर्व पदाधिकारी प्रयत्नशील असून नितीन भाऊ दिनकर व मुख्याधिकारी गणेश घोलप साहेब यांचे तसेच उपस्थित सर्वांचे आभार मानले.
*वृत्त विशेष सहयोग*
पत्रकार राजेंद्र देसाई
वडाळा महादेव
वृत प्रसिद्धी सहयोग
समता मीडिया सर्व्हिसेस
श्रीरामपूर - 9561174111
