तळेगाव दशासर - 🏥🏥 प्रा.आ.केंद्र तळेगाव दशासर व राष्ट्रीय हत्तीरोग नियंत्रण उपपथक तळेगाव दशासर यांच्या मार्फत कायमस्वरूपी व तात्पुरत्या डासोत्पत्ती स्थानांमध्ये हिवताप, हत्तीरोग, डेंग्यू, चिकन गुनिया या किटकजन्य रोगाच्या नियंत्रणासाठी विविध ठिकाणी गप्पी मासे सोडण्यात आले.
जैविक उपायोजनेअंतर्गत किटकजन्य आजार नियंत्रणाकरीता अळीभक्षक गप्पी माशांचा वापर करण्यात येतो. साचलेल्या पाण्यात गप्पी मासे सोडल्यास ते डासांच्या अळ्यांचे भक्षण करून डासाची घनता कमी करण्यास मदत करतात. गप्पी मासे सर्व प्रकारच्या डास अळ्यांचे भक्षण करतात त्यामुळे हिवताप व हत्तीरोग निर्मूलन कार्यक्रमांमध्ये मदत म्हणून ही मोहीम राबविल्या जाते अशी माहिती व आरोग्य शिक्षण देण्यात आले.
ही मोहीम उपसंचालक अकोला मा.डॉ.भंडारी सर, जिल्हा हिवताप अधिकारी मा.डॉ.जोगी सर, हत्तीरोग अधिकारी मा.डॉ.जुनेद सर व प्राथमिक आरोग्य केंद्राचे वैद्यकीय अधिकारी डॉ.विवेक सुदेवाड सर, डॉ. गारठे मॅडम व डॉ लवकरे सर यांच्या मार्गदर्शनाखाली राबविण्यात आली.
आरोग्य निरीक्षक श्री.आर.टी.दुधकवरे, श्री.जी.आर.गुडधे, आरोग्य कर्मचारी श्री.संतोष राठोड, आरोग्य कर्मचारी श्री. अभिजीत कांबळे नियमित क्षेत्र कर्मचारी श्री.हरिदास इंगळे श्री. अशोक दुधीवार , श्री. श्रीकांत मानतुटे व श्री.भूषण वठठे यांनी गप्पी मासे धडक मोहीम यशस्वी करण्यासाठी विशेष परिश्रम घेतले.....
🌹🌹🌹🌹🌹🌹
