सावळविहीर बुद्रुक (ता. राहाता) : सहकारी साखर कारखानदारीचे जनक आणि शेतकरी हिताचे पुरस्कर्ते कै. पद्मश्री डॉ. विठ्ठलराव विखे पाटील यांच्या १२५ व्या जयंतीनिमित्त तसेच शेतकरी दिनाच्या औचित्याने रयत शिक्षण संस्थेच्या न्यू इंग्लिश स्कूल, सावळविहीर बुद्रुक येथे विशेष कार्यक्रमाचे आयोजन करण्यात आले.
कार्यक्रमाची सुरुवात पद्मश्री डॉ. विखे पाटील यांच्या प्रतिमापूजनाने झाली. त्यानंतर त्यांच्या जीवनकार्यावर आणि शेतकऱ्यांसाठी केलेल्या योगदानावर स्थानिक सल्लागार समितीचे अध्यक्ष श्री. बाळासाहेब जपे पाटील यांनी सविस्तर प्रकाश टाकला. त्यांनी शेतकरी दिनाचे महत्त्वही विद्यार्थ्यांना समजावून सांगितले आणि आधुनिक शेती, शिक्षण, व सहकार चळवळीच्या माध्यमातून ग्रामीण समाजाचा विकास करण्याचा संदेश दिला.
या निमित्ताने शाळेच्या सर्व विद्यार्थ्यांना स्थानिक सल्लागार समितीच्या वतीने बिस्कीट वाटप करण्यात आले. तसेच गरजू विद्यार्थ्यांना स्कूल बॅगचे वाटप शाळेचे माजी विद्यार्थी श्री. किरण राजेंद्र आगलावे पाटील यांच्या हस्ते करण्यात आले.
कार्यक्रमाला उपसरपंच श्री. विकास जपे पाटील, ग्रामपंचायत सदस्य श्री. संजय जपे पाटील, माजी उपसरपंच श्री. गणेश कापसे पाटील, श्री. सागर आरणे, श्री. किरण आगलावे पाटील, पत्रकार श्री. राजेंद्र दुनबळे, मुख्याध्यापिका सौ. डहाळे मॅडम, सर्व शिक्षकवृंद, विद्यार्थी आणि ग्रामस्थ मोठ्या संख्येने उपस्थित होते.
०००
