एरंडोल येथील तालुका विधी सेवा समितीच्या वतीने दि. १३ डिसेंबर २०२५ रोजी राष्ट्रीय लोकअदालतीचे आयोजन करण्यात आले. या लोकअदालतीत दाखलपूर्व २० प्रकरणे निकाली निघून त्यामध्ये रु. ५,७८,३२३/- इतक्या रकमेची तडजोड झाली, तर न्यायालयात प्रलंबित १३७ प्रकरणे निकाली काढत रु. २१,४५,८९३/- ची तडजोड करण्यात आली. एकूण १५७ प्रकरणे निकाली निघून त्यामध्ये रु. २७,२४,२१६/- इतक्या रकमेची तडजोड झाल्याची माहिती निवेदनात देण्यात आली आहे.
या लोकअदालतीच्या उद्घाटनप्रसंगी श्रीमती बी. ए. तळेकर, अध्यक्ष तालुका विधी सेवा समिती तथा दिवाणी न्यायाधीश एरंडोल या पॅनल प्रमुख म्हणून, तर पंच न्यायाधीश म्हणून विधिज्ञ श्री. आकाश एन. महाजन उपस्थित होते. यावेळी अॅड. एम. एम. महाजन (अध्यक्ष, तालुका वकील संघ एरंडोल), सहसचिव अॅड. प्रेमराज पाटील, इतर विधिज्ञ व न्यायालयीन कर्मचारी उपस्थित होते.
याप्रसंगी श्रीमती बी. ए. तळेकर, पंच न्यायाधीश विधिज्ञ श्री. आकाश एन. महाजन तसेच अॅड. डी. बी. महाजन यांनी उपस्थित पक्षकारांना लोकअदालतीचे महत्त्व व लाभ याबाबत मार्गदर्शन केले.
(वरील माहित व्हाट्सअप वर दिलेल्या निवेदनाप्रमाणे...)
