एकता हो रे… जग शांतता हो रे,
हातात हात घेऊया… माणुसकी जपूया रे.
युद्ध नको रे… दु:ख कशाला हो रे,
प्रेमाचा दीप लावूया… विश्व उजळू दे रे!
भेदाभेद नको रे… मनामनात पूल बांध,
जाती-धर्म विसरून… माणुसकीचा धरु साथ.
शांतीचा श्वास घेऊ… द्वेषाला करू मात,
हृदयातून उठूया… प्रेमाचा नाद–घोषात!
युद्धाची आग थांबो… जगणे पुन्हा नांदो,
आईच्या डोळ्यातलं… अश्रूचं दु:ख सुकू दे हो.
बालकांच्या हाती रे… पुस्तक-हास्य फुलू दे,
विनाशाच्या जागी हो… विकासाची सूर्योदे!
हिंसा जाळून टाकू… शांततेचा झेंडा फडकू,
एकेक देश उठू दे… मानवतेचा मार्ग पकडू.
प्रेमाने बोललो तर… दगडही होतो फूल,
जग होई परिवार… दुरावा होई शून्यफूल!
एक सूर उठू दे… “युद्धबंदी”चा हुंकार,
प्रत्येक हृदयात जळू दे… शांतीचा अवतार.
बापूंची भाषा जपू… अहिंसेचा आधार,
विश्व हो ईश्वराचा… प्रेम–धर्म साकार!
एकता हो रे… जग शांतता हो रे,
हातात हात घेऊया… माणुसकी जपूया रे.
युद्ध नको रे… दु:ख कशाला हो रे,
प्रेमाचा दीप लावूया… विश्व उजळू दे रे!
गितकार रमेश जेठे सर
जिल्हा अहिल्यानगर
