विदर्भाच्या अमरावती जिल्ह्यातील वरुड तालुक्याच्या सामाजिक, राजकीय आणि मानवी वास्तवाच्या पटावर ज्या काही मोजक्या व्यक्तिमत्त्वांनी निर्भीड पत्रकारितेचा दीप प्रज्वलित ठेवला आहे, त्यात प्रविणदादा सावरकर यांचे नाव अग्रक्रमाने घ्यावे लागेल. पत्रकारिता ही केवळ व्यवसाय नसून ती एक सामाजिक जबाबदारी आहे, ही संकल्पना त्यांनी आपल्या आचरणातून, लेखणीतून आणि सततच्या संघर्षातून जिवंत ठेवली आहे. त्यांच्या पत्रकारितेची मुळे कुठल्या मोठ्या संस्थेच्या छत्राखाली नसून ती थेट मातीशी, सामान्य माणसाच्या वेदनांशी आणि प्रश्नांशी जोडलेली आहेत आणि म्हणूनच त्यांचा आवाज अधिक ठळक, अधिक विश्वासार्ह वाटतो.
सामान्य ते अतिसामान्य व्यक्तीही एक सक्षम, निर्भीड पत्रकार होऊ शकते, हा आत्मविश्वास त्यांच्या व्यक्तिमत्त्वातून सहजपणे प्रकटतो. मोठी पदे, गडद ओळखी किंवा सत्तेची सावली नसतानाही पत्रकारिता करता येते...! फक्त मनात प्रामाणिकपणा आणि समाजाविषयी आस्था असली की पुरेसे ठरते, हे त्यांनी आपल्या कार्यातून सिद्ध केले आहे. त्यांची लेखणी कुणाला दुखावण्यासाठी उचललेली नाही, तर दुर्लक्षित राहिलेल्या प्रश्नांना वाचा फोडण्यासाठी उभी राहिलेली आहे. म्हणूनच त्यांच्या लिखाणात कटुता नसून ठामपणा आहे...! आक्रस्ताळेपणा नसून स्पष्टता आहे.
पत्रकारिता म्हणजे फक्त पैसा कमावण्याचे साधन नव्हे, तर जनतेची सेवा करण्याचे प्रभावी माध्यम आहे..! हीच त्यांची मुख्य भावना. ही भावना त्यांच्या प्रत्येक बातमीत, प्रत्येक अहवालात आणि प्रत्येक हस्तक्षेपात जाणवते. सत्ता असो वा व्यवस्था, चूक जिथे असेल तिथे बोट दाखवण्याचे धैर्य त्यांनी कायम जपले, पण त्याच वेळी व्यक्तीपेक्षा तत्त्व महत्त्वाचे मानण्याची शहाणपणाची भूमिका त्यांनी कधी सोडली नाही. म्हणूनच त्यांची पत्रकारिता आक्रमक वाटत नाही, ती विवेकी वाटते आणि म्हणूनच ती अधिक परिणामकारक ठरते.
प्रविणदादा सावरकर हे मूळचे एक साधे नोकरदार व्यक्तिमत्त्व. रोजच्या नोकरीतील जबाबदाऱ्या सांभाळत असतानाही पत्रकारितेप्रती त्यांनी जे समर्पण दाखवले, ते दुर्मीळ म्हणावे लागेल. वेळेची मर्यादा, साधनांची कमतरता किंवा व्यक्तिगत अडचणी..! या सगळ्यांवर मात करत त्यांनी पत्रकारितेचा वसा अखंड सुरू ठेवला. त्यांच्या आयुष्यात पत्रकारिता ही छंद नाही, तर साधना आहे...! जी त्यांना दररोज नव्याने जागं ठेवते.
दैनिक वरुड केसरी आणि साप्ताहिक चुडामणी दर्पण या दोन वृत्तपत्रांचे मुख्य संपादक म्हणून त्यांनी आपल्या परिसराला एक सुस्पष्ट, निर्भीड व्यासपीठ दिले. याचबरोबर चुडामणी न्यूज पोर्टल या युट्यूब चॅनलच्या माध्यमातून परिसरातील घडामोडी थेट प्रत्येक नागरिकाच्या मोबाईलपर्यंत पोहोचवण्याचा ध्यास त्यांनी घेतला. बदलत्या काळाची गरज ओळखून पत्रकारितेला डिजिटल माध्यमाशी जोडणे...! हे त्यांचे दूरदृष्टीपूर्ण पाऊल आहे. परंपरा आणि आधुनिकता यांचा समन्वय साधत त्यांनी स्थानिक पत्रकारितेला नवी दिशा दिली आहे.
कमी वेळात पत्रकारितेच्या क्षेत्रात आपले ठसठशीत नाव निर्माण करूनही ते आजही जमिनीशी नाळ जपून आहेत. यशाच्या शिखरावर पोहोचल्यावरही पाय जमिनीवर ठेवण्याची ही वृत्तीच त्यांना वेगळे ठरवते. सामान्य माणसाशी बोलताना त्यांच्यात कुठलाही अहंकार जाणवत नाही; उलट, संवादात आपुलकी आणि समजूतदारपणा दिसून येतो. कदाचित म्हणूनच लोक त्यांच्यावर विश्वास ठेवतात आणि तो विश्वास हीच त्यांच्या पत्रकारितेची खरी ताकद आहे.
कुणाच्या अधिपत्याखाली न राहता, स्वतःच्या मनावर ताबा मिळवून, स्वतःच्या विवेकाच्या आधारे निर्भीड पत्रकारिता करणे...! हीच त्यांची खरी ओळख आहे. दबावांना न झुकता, प्रलोभनांना न भुलता आणि भीतीला दूर ठेवून सत्याची बाजू मांडण्याचे धैर्य त्यांनी सातत्याने दाखवले आहे. म्हणूनच प्रविणदादा सावरकर हे केवळ एक पत्रकार नाहीत...! ते वरुड तालुक्यातील निर्भीड पत्रकारितेचे जिवंत प्रतीक आहेत..! ज्यांच्या लेखणीतून सत्य बोलते, आणि ज्यांच्या कार्यातून समाजाला दिशा मिळते.
_अश्या यां निधड्या छातीच्या पत्रकाराला वाढदिवसानिमित्त कोट्यावधी शुभेच्छा..!_
*-श्री.ह.भ.प.डॉ.शंतनू महाराज रसे
कार्यकारी संपादक
साप्ताहिक व डिजिटल वरूड दर्शन
भाजपा, मोर्शी-वरुड विधानसभा अध्यात्मिक आघाडी प्रमुख
*वृत्त प्रसिद्धी सहयोग*
समता मीडिया सर्व्हिसेस
श्रीरामपूर - 9561174111
