३२७ वधू-वरांची नावनोंदणी; मंत्री शिवेंद्रसिंहराजे भोसले यांच्याकडून उपक्रमाचे कौतुक, समाजाचे प्रश्न सोडविण्याची ग्वाही!
सातारा | शिर्डी एक्स्प्रेस लाईव्ह विशेष प्रतिनिधी
समाजकारणाला कर्तृत्वाची जोड आणि सामाजिक परिवर्तनाला संघटनशक्तीची धार देणारे वडार पँथर संघटनेचे संस्थापक अध्यक्ष आदरणीय दयाभाऊ इरकल यांच्या नेतृत्वाखाली रविवार, दि. २५ ऑक्टोबर रोजी साताऱ्यातील गोडोली नाका येथे भव्य वडार समाज युवक व मोफत वधू-वर परिचय मेळावा उत्साहात संपन्न झाला.
या अभिनव उपक्रमात १४७ वधू व १८० वर अशा एकूण ३२७ विवाहेच्छुकांची नावनोंदणी झाली. वडार विवाह संस्थेच्या वेबसाइटचे लोकार्पणही करण्यात आले.
कार्यक्रमास उपस्थित असलेले सार्वजनिक बांधकाम मंत्री ना. शिवेंद्रसिंहराजे भोसले यांनी या उपक्रमाचे विशेष कौतुक केले. विवाहेच्छुक युवक-युवतींना योग्य जीवनसाथी निवडण्यासाठी एकाच व्यासपीठावर आणणारा हा उपक्रम समाजासाठी दिशादर्शक असल्याचे त्यांनी सांगितले. तसेच वडार समाजाचे विविध प्रलंबित प्रश्न सोडविण्यासाठी प्रयत्न करण्याचा शब्द दिला.
दयाभाऊंचे कार्य म्हणजे समाजहिताच्या ध्यासाला कृतीची जोड!
समाजासाठी केवळ घोषणा नव्हे, तर विधायक उपक्रम उभे करून समाजबांधवांना एकत्र आणण्याची दयाभाऊ इरकल यांची धडपड या मेळाव्यातून अधोरेखित झाली. युवकांचे संघटन, विवाहेच्छुकांसाठी मोफत व्यासपीठ आणि आधुनिक तंत्रज्ञानाची सांगड घालत त्यांनी सामाजिक बांधिलकीचा आदर्श निर्माण केला आहे.
वडार समाजाच्या न्याय्य हक्कांसाठी सर्वांनी एकजुटीने पुढे येण्याचे आवाहन करताना दयाभाऊंनी समाजाच्या सर्वांगीण प्रगतीचा निर्धार व्यक्त केला.
समाजाला जोडणारे विचार, नेतृत्वात कृतीची ताकद आणि परिवर्तनाचा ध्यास असणारे दयाभाऊ इरकल यांचा हा उपक्रम म्हणजे वडार समाजाच्या सामाजिक वाटचालीतील कौतुकास्पद पाऊल ठरले आहे!
या मेळाव्याच्या यशस्वितेसाठी वडार पँथर संघटनेचे पदाधिकारी, आयोजक आणि सहकारी संस्थांनी विशेष परिश्रम घेतले.
जय बजरंग! जय वडार!!
— शिर्डी एक्स्प्रेस लाईव्ह वृत्तसेवा
