चाकूर रोटरी क्लबला प्रांतपालाची भेट; समाजसेवकांचा गौरव आणि नवीन प्रकल्पांचा शुभारंभ

(संजय माकणे - चाकूर प्रतिनिधी)

चाकूर रोटरी क्लबच्या डी.जी. विजिट सोहळा साई नंदनवन येथील वृंदावन रेस्टॉरंट येथे मोठ्या उत्साहात पार पडला. या कार्यक्रमाला प्रांतपाल रो. डॉ. सुरेश साबू, फर्स्ट लेडी निर्मला साबू, सहाय्यक प्रांतपाल रो. नानिक जोधवानी, क्लब अध्यक्ष डॉ. संजय स्वामी आणि सचिव सुरेश हाके यांची प्रमुख उपस्थिती होती.

✨ थंड पाण्याच्या वॉटर कूलरचे उद्घाटन

कार्यक्रमाची सुरुवात चाकूर बसस्थानक येथे थंड पिण्याच्या वॉटर कूलरच्या उद्घाटनाने झाली. मान्यवरांच्या हस्ते या उपक्रमाचा शुभारंभ करण्यात आला.

🎖️ रक्तदात्यांचा सन्मान

रोटरी क्लबच्या समाजसेवी कार्याचा एक भाग म्हणून शतक पार केलेल्या रक्तदात्यांचा गौरव करण्यात आला. विनायकराव पाटील (120 वेळा), विलासराव पाटील (70 वेळा), संगम जनगावे (79 वेळा), प्रशांत शेटे (31 वेळा), विनोद नीला (30 वेळा), सुरेश हाके (25 वेळा), शिवदर्शन स्वामी (19 वेळा) आणि शैलेश पाटील (15 वेळा) यांचा प्रांतपालांच्या हस्ते सन्मानपूर्वक सत्कार करण्यात आला. त्यांच्या पुढील आयुष्यासाठी रोटरी क्लबतर्फे शुभेच्छा देण्यात आल्या.

🎉 नवीन सदस्यांचे स्वागत

चाकूरचा सुपुत्र आणि एम्समध्ये शिक्षण घेऊन गावी स्थायिक झालेले डॉ. रोहन पाटील यांनी आज रोटरी क्लबमध्ये प्रवेश घेतला. प्रांतपालांनी त्यांचा सन्मानपूर्वक स्वागत करून अभिनंदन केले.

💧 इनरव्हील क्लबची मोलाची जबाबदारी

थंड पाण्याच्या वॉटर कूलरसाठी पाण्याची सोय चाकूर इनरव्हील क्लबच्या सदस्यांनी स्वीकारली. प्रांतपालांनी त्यांच्या सेवाभावी कार्याचे कौतुक करून त्यांचा सुद्धा सत्कार केला.

📰 पत्रकारांचा सन्मान

रोटरी क्लबच्या सामाजिक प्रकल्पांना प्रसार माध्यमांतून साथ देणाऱ्या पत्रकारांचा देखील प्रांतपालांनी गौरव केला. संजय पाटील, अ.ना. शिंदे, संग्राम वाघमारे आणि इतर पत्रकारांचा सत्कार करण्यात आला.

🌟 मान्यवर आणि प्रमुख उपस्थिती

कार्यक्रमाला रोटरी क्लबचे नियोजित अध्यक्ष डॉ. केदार पाटील, सचिव धनंजय चिताडे, डॉ. श्रीनिवास हासनाळे, डॉ. अमोल शिवनगे, डॉ. सतीश कदम, डॉ. एन. जी. मिर्झा, संस्थापक अध्यक्ष ज्ञानेश्वर जोशी, माजी अध्यक्ष शैलेश पाटील, सार्जंट आर्म दिलीप शेटे, नागनाथ गंगापुरे, सागर रेचवाडे, संजय कस्तुरे, विश्वनाथ कस्तुरे, सुधाकर हेमनर आणि इनरव्हील क्लबच्या संस्थापक अध्यक्षा डॉ. अंजली स्वामी, सचिव मीना देवकते, अध्यक्षा संगीता मोरगे, मिरजकर मॅडम, रत्नमाला नंदागवळे, सुषमा सोनटक्के, सुनंदा हिपाळे, प्रभावती मोतीपवळे आदी मान्यवर उपस्थित होते.

🎤 सूत्रसंचालन आणि आभार प्रदर्शन

कार्यक्रमाचे सुत्रसंचालन क्लब ट्रेनर रो. चंद्रशेखर मुळे यांनी अत्यंत उत्साही पद्धतीने पार पाडले. आभार प्रदर्शन सचिव सुरेश हाके यांनी केले.