श्रीगोंदा (जि. अहमदनगर):
या येथे स्वातंत्र्यदिनाच्या ऐतिहासिक वातावरणात संघर्षनामा प्रिंट ॲण्ड इलेक्ट्रॉनिक मिडिया (महाराष्ट्र राज्य) च्या वतीने आयोजित ११ वा वर्धापन दिन सोहळा उत्साहात पार पडला. या सोहळ्यात सिनेअभिनेते राजेश ननवरे यांना त्यांच्या उत्कृष्ट अभिनयकौशल्यासाठी तसेच समाजप्रबोधनात्मक कलाक्षेत्रातील योगदानाबद्दल “संघर्षरत्न समाजभूषण पुरस्काराने” सन्मानित करण्यात आले.
कार्यक्रमाचे आयोजन संघर्षनामा चे संपादक मेजर भीमराव उल्हारे यांनी केले होते. हा सोहळा तुलसीदास मंगल कार्यालय, श्रीगोंदा येथे १५ ऑगस्ट २०२५ रोजी मोठ्या उत्साहात पार पडला.
समारंभाला विशेष मान्यवर उपस्थित होते. यात माजी मंत्री मा. बबनराव पाचपुते साहेब, माजी आमदार मा. दादाभाऊ कळमकर साहेब, माजी जिल्हा परिषद अध्यक्ष मा. बाबासाहेब भोस, तसेच ह.भ.प. गोरखे गुरुजी या थोर व्यक्तींनी प्रमुख पाहुणे म्हणून उपस्थित राहून सोहळ्याला बहार आणली.
या प्रसंगी वक्त्यांनी अभिनेते राजेश ननवरे यांच्या कलात्मक प्रवासाचे कौतुक केले. त्यांनी संघर्षातून आपले स्थान निर्माण केले असून, त्यांच्या सशक्त अभिनयाने आणि समाजाभिमुख भूमिकांनी प्रेक्षकांची मनं जिंकली आहेत, असे गौरवोद्गार काढण्यात आले.
कार्यक्रमाच्या शेवटी राजेश ननवरे यांनी हा सन्मान संघर्षनामा परिवाराचे आभार मानून स्वीकारला. त्यांनी समाजहिताच्या वाटचालीत कलाक्षेत्रातून आपले योगदान पुढेही चालू ठेवण्याचा संकल्प व्यक्त केला.
००००
