एरंडोल, ११ ऑगस्ट २०२५ – पळासदळ, एरंडोल येथील शास्त्री फार्मसी महाविद्यालयात प्रतिष्ठित मॅक्लॉइडस फार्मास्युटिकल्स कंपनीतर्फे आयोजित कॅम्पस इंटरव्ह्यू उत्साहात पार पडला. राज्यातील १८ महाविद्यालयांतील ८९ विद्यार्थ्यांनी सहभाग घेतला, त्यापैकी १९ विद्यार्थ्यांची निवड करण्यात आली.
📌 इंटरव्ह्यूची वैशिष्ट्ये...
पदवी, पदव्योत्तर, डिप्लोमा फार्मसी तसेच B.Sc./M.Sc. विद्यार्थी सहभागी.
विविध जिल्ह्यांमधून आलेल्या विद्यार्थ्यांचा उत्साह ओसंडून वाहत होता.
निवड झालेल्या विद्यार्थ्यांना मॅक्लॉइडस फार्मास्युटिकल्समध्ये करिअरची संधी.
📢 मान्यवरांचे मार्गदर्शन...
कार्यक्रमाच्या उद्घाटन प्रसंगी पंकज समूहाचे भैय्यासाहेब पंकज बोरोले यांनी विद्यार्थ्यांच्या संघर्ष, करिअर नियोजन आणि व्यसनमुक्ती या विषयांवर प्रेरणादायी मार्गदर्शन केले.
महाविद्यालयाचे प्राचार्य डॉ. विजय शास्त्री यांनी विद्यार्थ्यांना "मोठ्ठं स्वप्न बघा आणि कम्फर्ट झोनच्या बाहेर पडा" असा संदेश देत यशासाठी मेहनतीचे महत्त्व अधोरेखित केले.
🏢 कंपनीची माहिती...
मॅक्लॉइडस फार्मास्युटिकल्सचे HR मॅनेजर मयंक जैन, सहाय्यक मॅनेजर रोहिदास पानसरे आणि डेप्युटी मॅनेजर कृपाल राणा यांनी कंपनीविषयी सविस्तर माहिती दिली.
🎯 आयोजन व सन्मान...
कार्यक्रमाची सुरुवात सरस्वती पूजन करून झाली. मान्यवरांचे स्वागत गुलाब पुष्प व स्मृतीचिन्ह देऊन करण्यात आले. सूत्रसंचालन प्रा. योगेश्वरी लोहार यांनी केले, तर आभार प्रदर्शन प्रा. जावेद शेख यांनी मानले.
या कॅम्पस ड्राईव्हच्या यशामध्ये वरिष्ठ प्रा. अनुप कुलकर्णी, प्रा. राहुल बोरसे, प्रा. सुमेश पाटील, प्रा. दिग्विजय पाटील, प्रा. मंगेश पाटील तसेच सर्व शिक्षक-शिक्षकेतर कर्मचाऱ्यांचा मोलाचा वाटा होता.
