मी वडार महाराष्ट्राचा संघटना या समाजहिताच्या संघटनेचे संस्थापक अध्यक्ष श्री विजय चौगुले साहेब यांच्या प्रेरणेने आणि कल्याण-डोंबिवली वडार समाजाच्या नेतृत्वाखाली, ठाणे जिल्ह्याच्या महिला अध्यक्ष सौ. लक्ष्मीताई लचू पवार यांनी समाजासाठी अभूतपूर्व कार्य केले आहे.
सौ. लक्ष्मीताई पवार या डॅशिंग आणि रणरागिनी कार्यकर्त्या असून, त्यांनी आपल्या कार्यकाळात ना कधी प्रसिद्धीची अपेक्षा ठेवली, ना स्वतःचा प्रचार केला. कोणताही बॅनर, फोटो किंवा जाहिरात न करता, त्यांनी केवळ समाजासाठी झोकून देऊन कार्य केले आहे. विशेषतः वडार समाजातील गोरगरीब महिलांना केंद्र आणि राज्य शासनाच्या विविध योजनांचा लाभ मिळवून देण्यासाठी त्यांनी अथक प्रयत्न केले आहेत.
त्यांचे कार्य हे इतर महिलांसाठी आदर्श ठरणारे आहे. समाजासाठी काम करताना त्यांनी महिलांच्या विकासाकडे विशेष लक्ष केंद्रित केले असून, अनेक उपक्रम राबविले आहेत.
🔸 त्यांच्या कार्याचे ठळक मुद्दे :
- महिला बचत गटांची स्थापना – महिलांना आर्थिकदृष्ट्या सक्षम करण्यासाठी विविध ठिकाणी बचत गट स्थापन केले.
- घरकामगार व बांधकाम मजूर महिलांसाठी मदत – भांड्यांची किट वाटप करून त्यांना मदत केली.
- वृद्ध महिलांसाठी पेन्शन योजना – ६५ वर्षांपेक्षा अधिक वयाच्या महिलांना प्रत्येकी ₹१०,००० पेन्शनची रक्कम मिळवून दिली.
- शिलाई मशीनचे वाटप – महिलांना स्वावलंबी बनवण्यासाठी शिलाई मशीन उपलब्ध करून दिल्या.
- सांस्कृतिक कार्यक्रम – कल्याण-डोंबिवली नगरीत दरवर्षी महिलांसाठी भव्य हळदी-कुंकू समारंभाचे आयोजन केले.
🔸 त्यांच्या कार्यात विशेष सहकार्य करणारे मान्यवर :
- श्री मारुती कुशाळकर
- श्री लक्ष्मण पिटेकर
- श्री प्रभू पवार
- श्री लक्ष्मण जडाकर
- श्री लचू पवार
सौ. लक्ष्मीताई लचू पवार यांच्या या कार्याची दखल घेत प्रत्येक महिलेला त्यांच्याकडून प्रेरणा घ्यावी, आणि समाजाच्या उन्नतीसाठी निःस्वार्थी भावनेने काम करावे, हीच अपेक्षा आहे.
"काम हेच ओळख, सेवा हेच ब्रीदवाक्य!"
✍️: मी वडार महाराष्ट्राचा संघटना
ठाणे जिल्हा महिला आघाडी
००००
