शिर्डी प्रतिनिधी:
श्री साई संस्थान एम्प्लॉईज सोसायटीच्या वतीने आयोजित शिर्डी ते वणी (सप्तशृंगी गड) पदयात्रा सोहळा नुकताच मोठ्या भक्तीमय वातावरणात आणि उत्साहात पार पडला. दि. ११ जानेवारी २०२६ ते १४ जानेवारी २०२६ या कालावधीत संपन्न झालेल्या या सोहळ्यात संस्थेचे कर्मचारी मोठ्या संख्येने सहभागी झाले होते. पदयात्रेच्या समारोपाप्रसंगी गडावर पोहोचून सर्वांनी सप्तशृंगी आईचे दर्शन घेतले. या प्रवासात प्रत्येक गावोगावी ग्रामस्थ आणि प्रतिष्ठित व्यक्तींनी पालखीचे व पदयात्रींचे उस्फूर्त स्वागत केले. दि. ११ रोजी सकाळी दर्डे फाटा (मगरे वस्ती) येथे नाश्त्याची सोय करण्यात आली होती, यावेळी मगरे सहकुटुंबाचा संस्थेच्या वतीने शाल व श्री साईबाबांची डायरी देऊन सत्कार करण्यात आला.
