*चला शाळेत जाऊ या…!’ काळेवाडी नं. १ शाळेत विशेष स्वच्छता मोहिमेला उत्स्फूर्त प्रतिसाद*
*‘माझी शाळा – माझी जबाबदारी’ उपक्रमातून स्वच्छ, सुंदर व आनंददायी शाळेचा संकल्प*
इंदापूर - काळेवाडी, दि. २४ ऑक्टोबर २०२६ : राज्य शासनाच्या निर्देशानुसार १८ ते ३१ ऑक्टोबर २०२६ या कालावधीत राबविण्यात येत असलेल्या ‘चला शाळेत जाऊ या… विशेष शालेय स्वच्छता मोहिमे’च्या अनुषंगाने जिल्हा परिषद प्राथमिक शाळा काळेवाडी नं. १ येथे स्वच्छता, सुशोभीकरण आणि शालेय परिसराचे सौंदर्य वाढविण्याच्या उपक्रमाला महत्त्व प्राप्त झाले आहे.शाळेचे मुख्याध्यापक प्रताप शिरसट आणि उपक्रमशील शिक्षिका कांचन रणपिसे यांच्या मार्गदर्शनाखाली शाळेतील स्वच्छता, नीटनेटकेपणा आणि विद्यार्थ्यांसाठी पोषक शैक्षणिक वातावरण निर्माण करण्यावर भर देण्यात येत आहे. या उपक्रमात अंगणवाडी सेविका संगीता चव्हाण मॅडम आणि मदतनीस मीराबाई नायकवाडी मॅडम यांचेही सहकार्य महत्त्वाचे आहे.शाळा ही केवळ ज्ञानार्जनाची जागा नसून विद्यार्थ्यांच्या व्यक्तिमत्त्वाची जडणघडण करणारे संस्कारकेंद्र आहे. स्वच्छ आणि सुंदर परिसरामुळे विद्यार्थ्यांमध्ये शिस्त, स्वच्छतेच्या सवयी, पर्यावरणाविषयी प्रेम आणि सामाजिक जबाबदारीची भावना विकसित होण्यास मदत होते.
‘माझी शाळा – माझी जबाबदारी’ या संकल्पनेतून शाळा व्यवस्थापन समिती, शिक्षक, पालक, माजी विद्यार्थी आणि ग्रामस्थांनी एकत्र येऊन शाळेच्या विकासासाठी योगदान देणे आवश्यक आहे. शाळेचा परिसर स्वच्छ ठेवणे, कचऱ्याची योग्य विल्हेवाट लावणे, पाण्याची बचत करणे आणि झाडांचे संवर्धन करणे या बाबींकडे विशेष लक्ष देण्याची गरज आहे.
“शाळा आपली, जबाबदारी आपली; स्वच्छता आपली, अभिमान आपला!” या भावनेतून प्रत्येकाने आपल्या शाळेच्या प्रगतीसाठी पुढाकार घेतल्यास शाळा अधिक सुंदर, सुरक्षित आणि आनंददायी बनतील.या विशेष मोहिमेतून विद्यार्थ्यांमध्ये स्वच्छतेचे संस्कार रुजावेत आणि समाजाचा शाळेशी असलेला ऋणानुबंध अधिक दृढ व्हावा, हीच अपेक्षा व्यक्त होत आहे.
