मराठी चित्रपटसृष्टीतल्या पारंपरिक चौकटीतून बाहेर पडून, स्वतःचा ठसा उमटवणारा एक हटके, क्रांतिकारक चेहरा म्हणजे प्रवीणकुमार मोहारे. फिल्म इंडस्ट्रीतील संघर्ष, सेन्सॉर बोर्डाची कठोरता आणि निर्माता म्हणून येणाऱ्या अडचणींना डोळसपणे सामोरे जात मोहारे यांनी आज स्वतःचं स्वतंत्र स्थान निर्माण केलं आहे.
🎬 मुंबईत २५० रुपयांपासून सुरुवात...
वीस वर्षांपूर्वी गाव सोडून, खिशात अवघे २५० रुपये घेऊन मायानगरी मुंबईत आलेले प्रवीणकुमार मोहारे आज इंडस्ट्रीत “हिंदवी स्वराज्य फिल्म प्राॅडक्शन”चे संस्थापक आहेत. त्यांच्या या प्रवासाची सुरुवात मात्र अत्यंत संघर्षपूर्ण होती. कोणालाच ओळख नसताना फक्त स्वप्नांच्या जोरावर त्यांनी इंडस्ट्रीत पाऊल टाकलं.
🔍 सेन्सॉर बोर्डातील ससेहोलपटीतून क्रांतीपर्यंत
चित्रपट निर्मात्यांना सेन्सॉर प्रमाणपत्र मिळवताना होणारी पळापळ, किचकट नियम आणि प्रचंड शुल्क यांचा मोहारे यांनी जवळून अनुभव घेतला. प्राण्यांचे दृश्य दाखवण्यासाठी सुद्धा मोठ्या प्रमाणात फी वसूल होणं, अनेक गरिब निर्मात्यांचा चित्रपट अडकणं – या गोष्टींनी त्यांना चीड आली.
यासाठीच मोहारे यांनी मुंबई ते दिल्ली सायकल प्रवास करून एक ऐतिहासिक आंदोलन छेडलं. त्यांच्या या हटके उपक्रमाने केवळ इंडस्ट्रीचं लक्ष वेधून घेतलं नाही, तर सेन्सॉर बोर्डालाही नियम बदलण्यासाठी विचार करायला भाग पाडलं.
🎥 "शिरच्छेद प्रेमाचा’ – हटके विषयावरचा बिग बजेट चित्रपट
प्रवीणकुमार मोहारे यांचा बिग बजेट चित्रपट ‘प्रेमाचा शिरच्छेद’ हा त्यांच्या क्रांतिकारी दृष्टिकोनाचं प्रतीक आहे. सहसा नक्षलवाद आणि प्रेम एकत्र येणं अशक्य मानलं जातं. पण या सिनेमात एका नक्षलवादी आणि महिला पोलीस अधिकारी यांचं प्रेम दाखवलं आहे, ज्यातून माणुसकीची खरी जाणीव प्रेक्षकांपर्यंत पोहोचते.
हा चित्रपट ३१ ऑक्टोबर २०२५ रोजी प्रेक्षकांच्या भेटीला येणार आहे.
🌟 ‘क्रांतिकारक निर्माता’ची ओळख
*संघर्षातून उभा राहिलेला निर्माता, दिग्दर्शक आणि अभिनेता
*सेन्सॉर बोर्डाविरुद्ध लढा उभारून नियम बदलण्याची सुरुवात करणारा चेहरा
*मराठी चित्रपटाला हटके, सामाजिक आणि प्रभावी विषय देणारा दिग्गज
*हृदयस्पर्शी स्वभावामुळे इंडस्ट्रीत आदराचे स्थान मिळवणारा कलाकार
🏆 ‘प्रवीणकुमार मोहारे’ – एक प्रेरणास्थान
प्रवीणकुमार मोहारे यांचा प्रवास केवळ एक यशोगाथा नाही, तर तो मराठी सिनेसृष्टीतील परिवर्तनाचा संदेश आहे. त्यांच्या संघर्षाने दाखवून दिलं की, खरा कलाकार कोणत्याही अडचणींना न घाबरता स्वतःचं साम्राज्य निर्माण करू शकतो.
आता सर्व प्रेक्षकांना ‘ शिरच्छेद प्रेमाचा’ या हटके सिनेमाची आतुरता आहे. या चित्रपटाच्या यशातून मोहारे मराठी चित्रपटसृष्टीत इतिहास घडवतील, यात शंका नाही!
००००००
