प्रकाश मुंडे/बीड जिल्हा प्रतिनिधी
युसुफ वडगाव जिल्हा परिषद सर्कलमध्ये सध्या राहुल सोनवणे पाटील यांच्या नावाची जोरदार चर्चा आहे. सर्वसाधारण प्रवर्गासाठी आरक्षित असलेल्या या गटात एकूण २० गावांचा समावेश आहे, ज्यात युसुफ वडगाव आणि सोनिजवळा या महत्त्वाच्या पंचायत समित्यांचाही समावेश आहे. विशेष म्हणजे सारणी (आ) हे राहुल सोनवणे यांचे स्वतःचे गाव याच गटात येत असल्याने हा त्यांच्यासाठी 'होम पीच' आहे.
'गंगा माऊली शुगर'मुळे विश्वास संपादन:
राहुल सोनवणे पाटील संचालक म्हणून चालवत असलेल्या 'गंगा माऊली शुगर' कारखान्याने परिसरातील शेतकऱ्यांमध्ये मोठा विश्वास निर्माण केला आहे. बीड जिल्ह्यातील हा एकमेव कारखाना आहे जो दर पंधरा दिवसांनी बळीराजाला ऊस बिल देतो. साखर उत्पादक कारखाना असूनही ऊस दरात इतर कारखान्यांच्या बरोबरीने भाव दिल्यामुळे शेतकरी निश्चिंत झाले आहेत आणि हा विश्वास राहुल सोनवणे यांच्यासाठी जमेची बाजू ठरत आहे.
सामाजिक, राजकीय क्षेत्रातील सक्रियता:
राहुल सोनवणे पाटील हे राष्ट्रीय काँग्रेसचे बीड जिल्हाध्यक्ष म्हणून कार्यरत आहेत. मराठा आंदोलनासह शेतकऱ्यांच्या विविध प्रश्नांवर त्यांनी सक्रिय सहभाग घेतला आहे. सामाजिक आणि शैक्षणिक क्षेत्रातील त्यांचे मोठे योगदान सर्वश्रुत आहे. सर्व जाती-धर्माच्या लोकांना सोबत घेऊन काम करणारा माणूस अशी त्यांची वेगळी ओळख या भागात आहे. जनतेच्या २४ तास सेवेत असणारे नेतृत्व म्हणून त्यांची प्रतिमा आहे.
जनतेचा पाठिंबा स्पष्ट:
सध्या युसुफ वडगाव सर्कलच्या प्रत्येक गावात राहुल सोनवणे पाटील यांच्या पाठीशी जनता खंबीरपणे उभी राहील, अशी चर्चा ऐकायला मिळत आहे. ते खासदार रजनीताई पाटील यांचे खंदे समर्थक आहेत आणि विविध राजकीय तसेच सामाजिक क्षेत्रातील लोकांशी असलेले त्यांचे सलोख्याचे संबंध यावेळी त्यांच्या निश्चितपणे उपयोगी पडतील, असे बोलले जात आहे.
युसुफ वडगाव सर्कलमध्ये सध्या राहुल सोनवणे पाटील यांच्या नावाची लाट असून 'ओन्ली पाटील' हा नारा जोरदारपणे ऐकू येत आहे.
