रुग्णालय, होलसेल औषध पुरवठा व पथोलॉजी लॅब — एरंडोलमध्ये प्रत्यक्ष प्रशिक्षणाची त्रिसूत्री अभ्यासभेट.
एरंडोल | प्रतिनिधी
ग्रामीण आरोग्य व्यवस्थेचे प्रत्यक्ष ज्ञान मिळवण्यासाठी शास्त्री इन्स्टिट्यूट ऑफ फार्मसी, पळासदळ येथील बी. फार्मसी व डी. फार्मसीच्या प्रथम वर्षाच्या विद्यार्थ्यांनी दि. १४ जानेवारी २०२६ रोजी ग्रामीण रुग्णालय, औषध होलसेल वितरक आणि पथोलॉजी लॅब येथे शैक्षणिक अभ्यासभेट दिली.ग्रामीण रुग्णालयात डॉ. दीपक जाधव यांनी ओपीडी, आयपीडी, औषध वितरण व शस्त्रक्रिया विभागांची कार्यपद्धती समजावून दिली. रुग्णांना औषधे कशा प्रकारे मिळतात आणि रुग्णसेवा कशी दिली जाते याची थेट माहिती विद्यार्थ्यांना मिळाली.
“फार्मसी शिक्षण हे केवळ पुस्तकी नसून रुग्णसेवा आणि औषध व्यवस्थापनाशी थेट जोडलेले आहे.”— डॉ. विजय शास्त्री, प्राचार्य
डॉ. मुकेश चौधरी यांनी संसर्गजन्य आजार व प्रतिबंधात्मक उपाय यावर मार्गदर्शन केले.औषध वितरण साखळीबाबत राजमुद्रा होलसेल मेडिसिनचे संचालक श्री. सतीश पाटील यांनी कंपनी-निहाय मांडणी, मार्जिन प्रणाली व पुरवठा व्यवस्थापन याची सविस्तर माहिती दिली.ह्युमन केअर डायग्नोस्टिकचे डॉ. रोहित ठाकूर यांनी रक्त, लघवी व पथोलॉजी अहवालांचे रोगनिदानातील महत्त्व स्पष्ट केले.नितीशा मेडिकलचे श्री. हितेश कापडणे यांनी रिटेल फार्मसी व्यवसायाचे व्यावहारिक पैलू मांडले.
ही अभ्यासभेट संस्थापक अध्यक्ष व प्राचार्य डॉ. विजय शास्त्री आणि सचिव सौ. रूपा शास्त्री यांच्या मार्गदर्शनाखाली पार पडली. डॉ. पराग कुलकर्णी व प्रा. जावेद शेख यांनी आयोजनात पुढाकार घेतला, तर प्रा. करण पावरा, प्रा. गायत्री सूर्यवंशी व प्रा. योगेश्वरी लोहार यांनी यशस्वी अंमलबजावणी केली.
