माणसाची ओळख ही केवळ त्याच्या पदाने होत नाही, तर त्या पदाला न्याय देत असताना त्याने जोडलेली माणसं आणि कामावर असलेली निष्ठा यावरून ठरते. शिर्डीसारख्या पावन भूमीत 'एसबीआय लाईफ इन्शुरन्स' (SBI Life Insurance) सारख्या नामांकित संस्थेची धुरा समर्थपणे सांभाळणारे, कर्तव्यदक्ष शाखा व्यवस्थापक (Branch Manager) मा. श्री. संतोषजी धमाल सर यांचा आज वाढदिवस उत्साहात संपन्न झाला.
या शुभप्रसंगी आज सरांची प्रत्यक्ष भेट घेऊन त्यांना वाढदिवसाच्या शुभेच्छा दिल्या. यावेळी शाल व पुष्पगुच्छ देऊन सरांचा यथोचित सत्कार ग्रीन फाउंडेशन महाराष्ट्र राज्याचे उपाध्यक्ष व पत्रकार तुषार महाजन यांनी केला.
विमा क्षेत्रासारख्या आव्हानात्मक क्षेत्रात ग्राहकांचा विश्वास संपादन करणे आणि आपल्या टीमला सोबत घेऊन यशाची शिखरे गाठणे, हे अत्यंत कौशल्याचे काम संतोष सरांनी शिर्डी शाखेत प्रभावीपणे करून दाखवले आहे. कामाचा मोठा व्याप असूनही चेहऱ्यावरचे प्रसन्न हास्य आणि कोणत्याही समस्येवर शांतपणे तोडगा काढण्याची त्यांची हातोटी, त्यांना एका आदर्श नेत्याच्या रांगेत बसवते. माझ्यासारख्या अनेक पत्रकारांना आणि समाजकार्यात वावरणाऱ्यांना सरांचे नेहमीच बहुमोल मार्गदर्शन लाभले आहे.
आज त्यांच्या वाढदिवसानिमित्त साईचरणी हीच प्रार्थना की, त्यांना उदंड आयुष्य, उत्तम आरोग्य आणि सुख-समृद्धी लाभो. एसबीआय लाईफच्या माध्यमातून त्यांच्या हातून अशीच जनसेवा घडत राहो, हीच सदिच्छा!
