राजेंद्र बनकर - शिर्डी
ना.राधाकृष्ण विखे पाटील रिक्षा संघटना प्रणित जीप चालक मालक संघटना, जनेश्वर प्रतिष्ठाण शिर्डी च्या वतीने आयोजित गणेश विसर्जन मिरवणूक मोठ्या उत्साहात पार पडली.
साईआश्रम धर्मशाळा एक हजार रुमसमोर यावेळी रथातुन गणरायाची मिरवणूक निघाली असताना डिजेच्या तालावर तरुणाईसह अबालवृद्ध आणि साईभक्तांनीही थिरकण्याचा मनमुराद आनंद यावेळी लुटला. गेल्या १३ वर्षापासून साईआश्रम धर्मशाळा परिसरात गणेशोत्सव साजरा करण्यात येत असुन या उत्सवानिमित्त शिर्डीत येणाऱ्या भाविकांच्या शुभहस्ते महाआरती तसेच सामाजिक उपक्रम घेतले जात असुन संघटनेच्या माध्यमातून साईभक्तांंची अविरत सेवा करण्याचे कार्य होत असल्याचे संघटनेचे संस्थापक प्रशांत कोते,अध्यक्ष रविंद्र शेळके यांनी सांगितले. तर प्रशांत कोते यांच्या मार्गदर्शनाखाली हजारो युवकांचे संघटन झाले असुन शिर्डी शहरातील सामाजिक धार्मिक कार्यात रिक्षा संघटनेतील सदस्य तसेच जीप चालक मालक संघटनेतील सदस्य साईभक्तांची शक्य ती सेवा करण्याचे कार्य करत असुन आज गणेशोत्सवा निमित्त उपस्थित संख्या ही त्यांच्या कुशल नेतृत्वाची पावती असल्याचे प्रा.प्रसाद कोते यांनी स्पष्ट केले. हा गणेश विसर्जन सोहळा यशस्वी करण्यासाठी ना.राधाकृष्ण विखे पाटील रिक्षा संघटना,जीप चालक मालक संघटना,जनेश्वर प्रतिष्ठाण च्या कार्येकर्त्यांनी परिश्रम घेतले.
*संकलन:*
समता न्यूज नेटवर्क,श्रीरामपूर - 9561174111
