पाण्याची चिंता मिटणार, सेवा सहयोग संस्थेचा होता सहभाग.
प्रतिनिधी | पिंपळे
अमळनेर तालुक्यातील पिंपळे खु. या गावांमध्ये शेतीचा व पिण्याचा पाण्याचा प्रश्न सोडवण्यासाठी धरती माता महिला शेतकरी गटाकडून सेवा सहयोग संस्थेस पोकलेन मशीनची मागणी करण्यात आली होती. या मागणीची दखल घेऊन पिंपळे व चिमणपुरी गावाची जल व मृदा संघारणाच्या कामाची गरज ओळखून सेवा सहयोग संस्थेने पोकलेन मशीन उपलब्ध करून दिले. त्या कामाचा शुभारंभ झाला. पिंपळे खू. व चिमणपुरी गावामध्ये असणाऱ्या माळन नदी पात्रातील गाळ काढून खोलीकरणाचे कामाचा शुभारंभझाला. या कामासाठी गावातील ग्रामस्थांनी धरती माता महिला शेतकरी गटाच्या विनंतीस
मान देऊन मोठ्या प्रमाणात देणगी दिली आहे. तसेच गावातील प्रशासकीय आयुक्त पदावरती असणारे विजय चौधरी यांनी या नदीच्या खोलीकरणासाठी लागेल तेवढे डिझेल पुरवण्याची जबाबदारी स्वीकारली आहे. मोठ्या संख्येने सर्व ग्रामस्थांच्या सहकार्याने नाला खोलीकरणाच्या कामाचा शुभारंभ करण्यात आला. यावेळी लोकनियुक्त महिला सरपंच वर्षा युवराज पाटील व सर्व ग्रामपंचायत सदस्य व ग्रामस्थ मोठ्या संख्येने उपस्थित होते. सामाजिक कार्यकर्ते युवराज पाटील, तंटामुक्त अध्यक्ष निंबा बापू चौधरी, पुरुषोत्तम लोटन चौधरी, रवींद्र एकनाथ पाटील,जयवंत पाटील, भैय्या सुखदेव पाटील, पाणी फाउंडेशनचे सुनील पाटील यांच्या मार्गदर्शनाने काम सुरू झाले.
