shirdiexpress.com-Breaking | Latest Marathi News com/
Bouncing ball
             🌍
  • कर्तव्यपूर्ती, शिष्टाचाराचे पालन हेच देशप्रेमाचे खरे पुरावे - प्रा. शिवाप्पा पाटीलशाहूवाडी ( एस .टी . लष्कर )
  •              🌍
  • वादग्रस्त घटनांमुळे अठरावी आयपीएल चर्चेत
  •              🌍
  • आ. नमिता मुंदडा यांच्या पाठपुराव्यामुळे घरकुल लाभार्थ्यांची दिवाळी नवीन घरात साजरी होणार.
  •              🌍
  • "खेळ"आकाश सुपारे
  •              🌍
  • पर्यावरण दिनानिमित्त कोकळगाव आरोग्य उपकेंद्रात वृक्षारोपण
  • -->

    About Me

    कादंबरी संदीप महाजन — बहुमुखी गुणवत्तेची झळाळती कामगिरी!

    कादंबरी संदीप महाजन — बहुमुखी गुणवत्तेची झळाळती कामगिरी!

    नवी मुंबई (गुरुदत्त वाकदेकर) : पाचोरा (जि. जळगाव) येथील कादंबरी संदीप महाजन हिने एम.जी.एम. वैद्यकीय महाविद्यालय व रुग्णालय, कामोठे (नवी मुंबई) येथून फिजिओथेरपी पदवी (बीपीटी) अभ्यासक्रमाच्या अंतिम वर्षात उल्लेखनीय यश संपादन करत आपल्या कुटुंबाचा आणि गावाचा अभिमान वाढवला आहे.

    कादंबरीने केवळ अध्ययनातच नव्हे, तर महाविद्यालयीन जीवनात सांस्कृतिक आणि क्रीडाक्षेत्रातही आपली चमक दाखवली. अभ्यासाच्या जोडीने आपल्या अंगभूत कलागुणांना योग्य वाव देत, तिने विविध कार्यक्रमांत उत्स्फूर्त सहभाग घेतला. याचे उत्तम उदाहरण म्हणजे सांस्कृतिक विभाग प्रमुख या मानाच्या पदासाठी झालेल्या निवडणुकीत मिळवलेला निर्विवाद विजय. या माध्यमातून तिने नेतृत्वगुणही सिद्ध केले.

    दि. ७ मे २०२५ रोजी जाहीर झालेल्या अंतिम वर्षाच्या निकालात कादंबरीने प्रत्येक विषयात मिळवलेली ‘उत्कृष्ट’ (ए+) श्रेणी तिच्या सातत्यपूर्ण मेहनतीचा आणि चिकाटीचा स्पष्ट पुरावा आहे. तिच्या या यशाने केवळ आई-वडिलांचे नव्हे तर शिक्षकांचे, आणि संपूर्ण कुटुंबाचे हृदय आनंदाने भरून आले आहे.

    कादंबरीचं हे बहुआयामी यश पुढील वाटचालीसाठी प्रेरणादायी ठरेल, यात शंका नाही. तिच्या उज्ज्वल भविष्यासाठी संपूर्ण महाजन कुटुंबाकडून हार्दिक शुभेच्छा आणि आशीर्वाद.

    close