अहिल्यानगर प्रतिनिधी :
महाराष्ट्र सरकारच्या इतिहासात वडार समाजाच्या प्रगतीसाठी मैलाचा दगड ठरलेला निर्णय घेण्यात महत्त्वाची भूमिका बजावणारे आमदार अभिमन्यू पवार हे खरे अर्थाने वडार समाजाचे कैवारी ठरले आहेत.
*आर्थिक विकास महामंडळ स्थापन करण्याचा ऐतिहासिक निर्णय
वडार समाजाच्या आर्थिक, सामाजिक व शैक्षणिक विकासासाठी आमदार अभिमन्यू पवार यांनी सातत्याने शासनदरबारी पाठपुरावा केला. त्याच्या परिणामस्वरूप राज्य सरकारने “पैलवान कै. मारुती चव्हाण - वडार आर्थिक विकास महामंडळ” स्थापन करण्यास मान्यता दिली आहे.
महामंडळ स्थापनेसाठी प्रथम टप्प्यात ५० कोटी रुपयांची तरतूद बजेटमध्ये मंजूर करण्यात आली असून, वडार समाजाच्या उज्ज्वल भविष्यासाठी ही ठोस पायरी आहे.
शासनाकडून ऐतिहासिक मान्यता
राज्य शासनाने तब्बल ७५ वर्षांनंतर वडार समाजाला न्याय देत महामंडळ स्थापनेचा ऐतिहासिक निर्णय घेतला. या निर्णयानंतर उपमुख्यमंत्री देवेंद्र फडणवीस यांच्यासोबत अभिमन्यू पवार यांनी समाजाच्या वतीने सत्कार स्वीकारला.
🎯 विकासाची दिशा ठरवणारे उद्दिष्ट
महामंडळाच्या स्थापनेमुळे वडार समाजाच्या आर्थिक, शैक्षणिक व सामाजिक विकासाला गती मिळणार असून, अनेक योजनांद्वारे समाजातील युवक, महिलांपर्यंत थेट मदत पोहोचवण्याचा मानस आहे. अभिमन्यू पवार यांच्या प्रयत्नांनी वडार समाजाच्या नव्या युगाची सुरुवात झाली आहे.
🙌 समाजाचा गौरव
या ऐतिहासिक निर्णयानंतर सकल वडार समाज पदाधिकाऱ्यांनी अभिमन्यू पवार यांचा भव्य सत्कार केला. समाजाच्या सर्व स्तरातून त्यांच्या कार्याची प्रशंसा होत आहे.
आमदार अभिमन्यू पवार यांनी केवळ राजकीय नेतृत्त्व न दाखवता, वडार समाजाच्या न्याय हक्कासाठी खऱ्या अर्थाने कैवारी म्हणून भूमिका बजावली आहे. त्यांचा हा प्रयत्न वडार समाजाच्या नव्या वाटचालीसाठी दिशादर्शक ठरेल, याबद्दल समाजात मोठा विश्वास निर्माण झाला आहे.
रमेश जेठे सर,
अहिल्यानगर
