RC बाफना ज्वेलर्स, सातपुडा ऑटोमोबाईल्स व SRV रिऍ लिटीचे प्रायोजकत्व – भव्य सोहळ्यास दिली नवी उंची.
जिल्हास्तरीय हिंदी गीत स्पर्धेत सुरेल जल्लोष!
जळगाव : शहराचा सर्वांगीण विकास होत असताना दर्जेदार करमणुकीचीही गरज आहे. संगीत मन प्रसन्न करते व समाजात आनंद पसरवते. अशाच एका संस्मरणीय सोहळ्याचा अनुभव जळगावकरांनी घेतला. चिवास महिला मंडळ व युफोरिया-IFRM यांच्या संयुक्त विद्यमाने आयोजित “खानदेश सुपरस्टार कराओके जिल्हास्तरीय हिंदी चित्रपट गीत गायन स्पर्धा” गंधे सभागृहात उत्साहात पार पडली. या भव्य सोहळ्याला खासदार स्मिता वाघ, वस्त्रोद्योग मंत्री संजय सावकारे यांसह मान्यवर उपस्थित होते.
🎶 १२५ स्पर्धकांतून ५० जणांची थरारक निवड.
पहिल्या फेरीत तब्बल १२५ स्पर्धकांनी आपली कला ऑनलाइन सादर केली होती. त्यातून निवडलेले ५० स्पर्धक प्रत्यक्ष रंगमंचावर कराओकेवर गाऊन प्रेक्षकांची मने जिंकून गेले. जुन्या व नव्या हिंदी चित्रपट गीतांच्या सादरीकरणाने सभागृहात सुरेल जल्लोष अनुभवायला मिळाला. मंत्री संजय सावकारे यांनी स्वतः गाणे सादर करून प्रेक्षकांची वाहवा मिळवली, हे विशेष आकर्षण ठरले.
🏆 विजेते ठरले…
२० ते ४० वयोगट:
प्रथम : अमेय विलास कुलकर्णी (जळगाव)
द्वितीय : निकिता गणेश जोशी (जळगाव)
तृतीय : किरण सिद्धार्थ मोरे (वरणगाव)
उत्तेजनार्थ : शुभांगी चंदनकुमार असोदेकर (जळगाव)
४१+ वयोगट:
प्रथम : रवींद्र श्रीराम ठाकूर (जळगाव)
द्वितीय : पंकज छगन पाटील (चोपडा)
तृतीय : प्रकाश लक्ष्मण हंसकर (भुसावळ)
उत्तेजनार्थ : अर्जुन सीताराम सावळे (जामनेर)
विजेत्यांना रु. 5000, रु. 3000 व रु. 2000 ची रोख पारितोषिके, आकर्षक ट्रॉफी व प्रमाणपत्रे देण्यात आली. महागुरू संजय पत्की यांच्या हस्ते हा सन्मान सोहळा पार पडला.
👏 परीक्षकांचे मार्गदर्शन व कौतुक...
स्पर्धेचे परीक्षक म्हणून किरण सोहळे (भुसावळ), पद्मजा नेवे (जळगाव), कविता दिक्षित (जळगाव), ज्ञानेश वर्मा (नाशिक) आणि महागुरू संजय पत्की (जळगाव) उपस्थित होते. त्यांनी स्पर्धकांच्या कलाकौशल्याचे कौतुक केले व त्यांना उपयुक्त सूचना दिल्या.
🌟 मान्यवरांचा सहभाग...
कार्यक्रमाचे उद्घाटन नयनतारा बाफना यांच्या हस्ते झाले. सूत्रसंचालन संगिता अजनाडकर, तृप्ती बाक्रे, डॉ. राहुल पांडे, नेहा नैनानी व डॉ. विजय शास्त्री यांनी केले. व्यासपीठावर चिवास अध्यक्षा अनघा खारूल, युफोरिया अध्यक्ष संदीप जोशी, प्रोजेक्ट कोऑर्डिनेटर डॉ. सुशीलकुमार राणे, वैशाली वाणी आदी मान्यवर उपस्थित होते.
💎 प्रायोजकांचे मोलाचे योगदान...
या भव्य सोहळ्यास सातपुडा ऑटोमोबाईल्सचे किरण बच्छाव, RC बाफना ज्वेलर्स आणि SRV रिऍलिटीचे सत्यनारायण खटोड यांनी प्रायोजकत्व देऊन कार्यक्रमाला मोठी उंची मिळवून दिली.
🎤 संगीतप्रेमींसाठी अविस्मरणीय व्यासपीठ..
या संस्मरणीय कार्यक्रमामुळे युफोरिया-IFRM व चिवास महिला मंडळ यांनी जिल्ह्यातील संगीतप्रेमींना एक उत्कृष्ट व्यासपीठ उपलब्ध करून दिले. प्रेक्षकांनी व्यक्त केलेली भावना एकच –
