राहाता प्रतिनिधी:-
महाराष्ट्र शासनाने राज्यातील कामगार हितासाठी महत्त्वपूर्ण निर्णय घेत “महाराष्ट्र राज्य किमान वेतन सल्लागार मंडळ” याची पुनर्रचना केली असून या मंडळाच्या अध्यक्षपदी अहिल्यानगर जिल्ह्याचे जेष्ठ कामगार नेते, भाजपाचे ज्येष्ठ पदाधिकारी मा. श्री गणेशभाऊ लक्ष्मणराव ताठे यांची नियुक्ती करण्यात आली आहे. या पदाला राज्यमंत्री दर्जा आहे.
ही नियुक्ती महाराष्ट्र किमान वेतन अधिनियम 1948 च्या कलम 7 व 9 तसेच महाराष्ट्र किमान वेतन नियम 1963 मधील कलम 4 च्या तरतुदीनुसार करण्यात आली आहे. या पुनर्रचनेत मंडळाचे सचिव म्हणून सहाय्यक कामगार आयुक्त (ग्रा.वि.), मुंबई यांची नेमणूक झाली आहे.
🌟 तालुक्यासाठी ऐतिहासिक क्षण
माजी मंत्री कै. बापूसाहेब थेट यांच्या पश्चात प्रथमच तालुक्याला राज्यमंत्री दर्जाचे पद मिळाल्याने संपूर्ण तालुक्यात आणि जिल्ह्यात आनंदाचे वातावरण पसरले आहे.
👨💼 गणेशभाऊ ताठे यांची वाटचाल
गणेशभाऊ ताठे यांनी 1990 पासून एक सामान्य कार्यकर्ता म्हणून समाजकार्याला सुरुवात केली. कुठल्याही राजकीय पाठबळाशिवाय त्यांनी पक्षाचा झेंडा आणि विचार वाड्यावर पोहोचवला.
- भाजप कामगार आघाडीचे प्रदेशाध्यक्ष या पदावर दोन वेळा काम करण्याची संधी त्यांना मिळाली.
- कामगारांच्या हक्कांचे प्रश्न शासन दरबारी मांडणे,
- केंद्रीय कामगार कायद्यात आवश्यक बदल करण्यासाठी पुढाकार घेणे,
- कोविड काळात मृत्यू झालेल्या कामगारांच्या कुटुंबांना न्याय मिळवून देणे,
अशा अनेक उपक्रमांतून त्यांनी ठसा उमटवला आहे.
🙌 सर्वत्र अभिनंदनाचा वर्षाव
गणेशभाऊ ताठे यांची ही नियुक्ती होताच कामगार संघटनांत, सामाजिक संस्थांत आणि राजकीय वर्तुळात अभिनंदनाचा वर्षाव सुरू झाला आहे. त्यांच्या या नियुक्तीमुळे कामगारांना न्याय मिळवून देण्याच्या प्रयत्नांना अधिक बळ मिळेल, अशी अपेक्षा व्यक्त केली जात आहे.
००००
