प्रकाश मुंडे/बीड जिल्हा प्रतिनिधी
महाराष्ट्रात झालेल्या अतिवृष्टीमुळे (Heavy Rainfall) पूर आणि नैसर्गिक आपत्तीने नुकसान झालेल्या आपद्ग्रस्तांना मदतीचा हात म्हणून केज कृषी उत्पन्न बाजार समितीने (APMC, Kaij) एक महत्त्वाचा आणि स्तुत्य निर्णय घेतला आहे.
बाजार समितीने मुख्यमंत्री सहाय्यता निधीला (Chief Minister's Assistance Fund) एक लाख (एक लक्ष) रुपयांचा धनादेश सुपूर्द केला आहे. विशेष म्हणजे, ज्येष्ठ नेते नंदकिशोर मुंदडा (काकाजी) यांच्या वाढदिवसाचे औचित्य साधून हा मदतीचा धनादेश त्यांच्याकडे देण्यात आला. केज बाजार समितीने दाखवलेल्या या सामाजिक बांधिलकीबद्दल सर्वत्र त्यांचे कौतुक होत आहे.
सध्या केज कृषी उत्पन्न बाजार समिती राष्ट्रवादी काँग्रेसचे नेते रमेशराव आडसकर आणि भारतीय जनता पक्ष (BJP) यांच्या ताब्यात आहे.केज कृषी उत्पन्न बाजार समितीच्या वतीने ही मदत देताना सभापती अंकुशराव इंगळे, उपसभापती डॉ. वासुदेव नेहरकर, आणि भाजपचे तालुकाध्यक्ष भगवान केदार हे उपस्थित होते.
या कृतीतून नैसर्गिक आपत्तीच्या वेळी केज कृषी उत्पन्न बाजार समितीच्या वतीने गरजूंना मदत करण्याच्यादृष्टीने मानवतेचा आणि एकजुटीचा आदर्श केज कृषी उत्पन्न बाजार समितीने घालून दिला आहे. सामाजिक कार्यात सक्रिय सहभाग घेतल्याबद्दल केज कृषी उत्पन्न बाजार समितीच्या पदाधिकाऱ्यांचे अभिनंदन होत आहे.
