जळगाव, १८ ऑक्टोबर २०२५
एरंडोल तालुक्यातील हणूमंतखेडे, सोनबर्डी आणि मंजरे या अंजनी प्रकल्पांतर्गत येणाऱ्या तीन गावांच्या पूनर्वसनाची सुरुवात जलसंपदा मंत्री गिरीश महाजन यांच्या कारवाईतून करण्यात येणार आहे. रेंगाळलेला पद्मालय प्रकल्पही आता कामाला लागणार असल्याची माहिती मा.आ. महेंद्रसिंग पाटील यांनी दिली आहे.
तापीखोरे महामंडळाच्या नियामक मंडळाची बैठक, जी जलसंपदा मंत्री गिरीश महाजन यांच्या अध्यक्षतेखाली मंत्रालयात नुकतीच पार पडली, त्यात ह्या तीन गावांची पुनरविभागणी आणि सिंचन सुविधा दुरूस्तीचे ठोस निर्णय घेतले गेले. या निर्णयांमुळे शेतकरी वर्गात आत्मविश्वास आणि अपेक्षांची लहर निर्माण झाली आहे.
अंजनी प्रकल्प गेल्या अनेक वर्षे अडकलेला असला, तरी यंदाच्या अतिवृष्टीमुळे ह्या गावांना गंभीर पूराचा धोका निर्माण झाला होता. हा धोका तात्काळ दूर करण्यासाठी दखल घेण्यात आली असून, यापूर्वी जलसंपदा मंत्री आणि जिल्हाधिकारी यांनी प्रत्यक्ष निरीक्षण करून आदेश दिले होते. त्यानंतर संबंधित अधिकाऱ्यांना त्वरित उपाययोजना करण्याचे निर्देश देण्यात आले.
बैठकीत पद्मालय प्रकल्पाचा पुनरारंभ आणि तीन गावांच्या पुनर्वसनासाठी मार्ग मोकळा करण्याचे निर्णय घेण्यात आले. या प्रकल्पाद्वारे एरंडोल व धरणगाव तालुक्यांतील सुमारे ३४,००० एकर क्षेत्र ओलीताखाली येण्याची शक्यता असून, या योजनांची कार्यवाही त्वरित सुरू होईल, असे पाटील यांनी सांगितले.
बैठकीला आ. मंगेश चव्हाण, जलसंपदा विभागाचे मुख्य सचिव कपूर, सचिव बेलसरे, अधीक्षण अभियंता गोकूळ महाजन, तापी महामंडळाचे कार्यकारी संचालक बोरकर इत्यादी उपस्थित होते.
(शब्दांकन: प्रमोद आण्णासाहेब..)
